Kónc hižo w 2. kole pokala

póndźela, 08. oktobera 2018
artikl hódnoćić
(0 )

HZ Łaz/Běły Chołmc

– Sokoł Ralbicy/Hórki 5:4

po třělenju jědnatkow (1:0, 1:1)

Zestawa hosći: Schöne – Budar, Lulak, Zynda, K. Matka (77. Kobalc), Šołta, Hilbich, M. Matka, Wowčerk, G. Kurjat (51. Jakubaš), M. Kurjat (66. Materna)

Koparjo Sokoła Ralbicy/Hórki, kotřiž běchu sej w lětach 2012, 2016 a 2017 wokrjesny pokal zawěsćili, su so tónkróć hižo­ w druhim kole z wubědźowanja rozžoh­nowali. Pola wokrjesneho ligista HZ Łaz/Běły Chołmc poćerpjechu woni poražku po třělenju jědnatkow.

Trenarjej Chrystofej Gloxynej pobrachowaše nimale cyłe mustwo, tak zo dyrbjachu stari knježa wupomhać. Nimo toho­ bě trawnik we Łazu katastrofalny, tak zo bul při nimale kóždej přihrawce wotskoči. Wobstejnosće njeběchu tuž naj­lěpše. Z dalokimi třělwami spytachu k wuspěchej dóńć, ale w prěnjej poł hodźinje so ničo naspomnjenjahódneho njesta. W 32. min. přeběža domjacy škitar na prawej stronje, a hižo steješe 1:0.

wozjewjene w: Sport
Prošu přizjewće so, chceće-li komentar podać

Serbska debata

nowostki LND