Sport (06.12.19)

pjatk, 06. decembera 2019
artikl hódnoćić
(0 )

Nazymske mišterstwo móžne

Wolejbulisća 1. mustwa Vikto­rije Worklecy hraja jutře w 14 hodź. wo nazymske mišterstwo we wobwodnej lize, a to w sportowni Wo­jerowskeho Lessingoweho gymnazija na Pestalozzijowej 1. Tam wočakuje jich ST Kupoj-Nowa Łuka­, třeći tabulki. Jeli Worklečenjo přećiwo njemu dobudu, su woni nazymski mišter. W samsnym času hraje Worklečanske dorostowe mustwo holcow pola VV Žitawy II.

Kónctydźenska kopańca

Zajutřišim, njedźelu, wot 13.30 hodź. budźe w Ra­dworju serbski koparski der­by­. ST 1922 Radwor, kotrež steji z 20 dypkami na 7. městnje tabulki wokrjesneje ligi, stafle 2, nastupi přećiwo Njebjelčanskej SJ. Wona ma dotal 23 dypkow a steji na 6. městnje tabulki.

07.12. 13:30 Radebeulski BC 08 –

  Jednota Kamjenc

07.12. 13:30 Budissa Budyšin –

  SG Taucha 99

07.12. 13:30 Módro-běli Kulow –

  TSV Połčnica

08.12. 13:00 Sokoł Ralbicy/Hórki –

  ST Kinspork/Łužnica

08.12. 13:30 ST Marijina hwězda –

  ST Porchow

08.12. 12:30 SJ Chrósćicy II –

  Módro-běli Minakał

Skupinje wulosowanej

Njedźelu, 5. januara 2020, wot 14 hodź. zetka so w Kamjencu wosom koparskich cyłkow z Hornjeje Łužicy, zo bychu so w sportowni při lětanišću wo S-mobil-trofeju wubědźowali. Patron budźe zapósłanc krajneho sejma Alojs Mikławšk z Worklec. Mustwa nastupja w dwěmaj skupinomaj, kotrejž stej hižo wulosowanej. Skupina A: Hlinowske ST, Jednota Kamjenc, LSV Nowe Město a Přezjednota Niska; skupina B: FSV Budissa Budyšin, FC Hornja Łužica Neugersdorf, Natwar Němske Pazlicy a Biskopičanske KT 08.

Turněr pod wysokim sakom

Lětuši Mikławšowy wolejbulowy turněr wólnočasnych cyłkow w Chrósćicach přewjedźe SJ Chrósćicy 9. decembra. Přeprošene cyłki zetkaja so we 18 hodź.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND