Rekordny spad hospodarstwa

pjatk, 31. julija 2020
artikl hódnoćić
(0 )

Paris/Madrid (dpa/SN). Koronakrizy dla wukonitosć hospodarstwa w Francoskej a Španiskej raznje woteběra. Francoske hospodarstwo je w druhim kwartalu lěta wo 13,8 procentow spadnyło, španiske samo wo 18,5 proc. To je we woběmaj krajomaj negatiwny rekord, kaž statistiskej zarjadaj w Parisu a Madridźe informujetej. Wobaj krajej stej wot koronapandemije wosebje potrjechenej

Tež Esken hroženja dóstała

Berlin (dpa/SN). Předsydka SPD Saskia Esken je po swójskich informacijach tohorunja prawicarskoekstremnu hrožacu mejlku dostała, kotraž bě z „NSU 2.0“ podpisana. „Wobsah je tak grawoćiwy, zo njemóžeš to ani wopisać“, rjekny socialdemokratka nowinarjam. W mejlce hroža jej ze smjerću. Esken je njeznatych mjeztym wobskoržiła. Minjeny čas bu znate, zo běchu tež wjacori politikarjo Lěwi­cy hižo tajke mejlki dóstali.

Opozicija hotuje so na wólby

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND