Strona Danow a Frizow SSW nastupi klětu k wólbam zwjazkoweho sejma
Flensburg (SN/at). Južnoschleswigski wolerski zwjazk (SSW) chce klětu po šěsćdźesatlětnej přestawce k wólbam zwjazkoweho sejma nastupić. To je zjězd strony Danow a Frizow sobotu w Flensburgu wobzamknył. Na wothłosowanju wobdźěli so 111 delegatow, 66 wupraji so za a 41 přećiwo tajkemu krokej, štyrjo so hłosa wzdachu.