Wjace prawicarjow w policiji

štwórtk, 03. decembera 2020
artikl hódnoćić
(0 )

Frakcija Lěwicy w sakskim nutřkownym ministerstwje so naprašowała

Drježdźany (SN). W rjadach sakskeje policije je minjene lěta k wjele wjace podawkam dóšło – zastopnjowanym jako „podhladne pady nastupajo prawicarski ekstremizm“ –, hač bě dotal znate. To wuchadźa z małeho naprašowanja Kerstin Köditz, rěčnicy frakcije Lěwicy w Sakskim krajnym sejmje za antifašistisku a nutřkownu politiku. Tak zwěsćichu wot lěta 2014 dalše dwaceći wusahowacych padow, jeničce lětsa šěsć. Wobdźěleni běchu na nich 23 zastojničow a zastojnikow kaž tež po tarifje přistajeni. Pod smužku je rěč wo 37 padach.

wozjewjene w: Kraj a swět
Prošu přizjewće so, chceće-li komentar podać

nowostki LND