Rozmołwy wo amplowej koaliciji zahajili

Berlin/Mnichow (dpa/SN). SPD, Zeleni a FDP wusměrjeja swój kurs na amplowu koaliciju. Jědnaće dnjow po wólbach zwjazkoweho sejma zahajichu zastupjerjo stron dźensa rozmołwy, zo bychu šansy koalicije dale wobrěčeli. Móžny jamaiski zwjazk, wobstejacy z unije, FDP a Zelenych, je tuž najprjedy raz z blida. Frakcija unije chce so dźensa na digitalne posedźenje zetkać a połoženje rozjimać.