London (dpa/SN). Hladajo na spochi rozšěrjacu so wariantu koronawirusa „omikron“ warnuje britiska strowotniska słužba National Health Service (NHS) před přežadanjom. Situacija je hižo nětko napjata kaž hišće nihdy do toho, rjekny jeje šef Chris Hopson nowinarjam. Wón rěčeše wo „jara, jara wučerpanych“ sobudźěłaćerjach. Miliony ludźi chcedźa hišće do hód šćěpić. Wčera su w kraju 1 239 nowych padow omikrona zwěsćili, cyłkownje je jich 3 137 w kraju.
Pytaja za přežiwjenymi
Myfield (dpa/SN). Po smjertnej tornadowej katastrofje w USA tam dale za přežiwjenymi pytaja, wosebje w najbóle potrjechenym zwjazkowym staće Kentucky. Guwerner Andy Beshear z toho wuchadźe, zo su dźesatki ludźi žiwjenje přisadźili. Prěnje wobrazy pokazuja dospołnje zničene domy a zapusćenu krajinu. Guwerner nadźija so „dźiwa“, zo ličby woporow dale njepřiběraja. Tornado bě so w nocy na sobotu njejapcy wutworił.
Łódźi do so zrazyłoj
