Ankara (dpa/SN). Dwaj měsacaj po zahajenju ruskeje inwazije w Ukrainje je generalny sekretar UNO António Guterres swoje prócowanja wo měr zesylnił a so do Turkowskeje podał. Tam wočakowaše jeho dźensa turkowski prezident Recep Tayyip Erdoğan. Turkowska ma dobre poćahi k Ruskej a k Ukrainje. Jutře pojědźe Guterres do Moskwy k prezidentej Wladimirej Putinej a po tym do Ukrainy. W Kijewje chce Guterres štwórtk prezidenta Wolodymyra Zelenskeho zetkać.

Janša wólby přěhrał

Ljubljana (dpa/SN). Nowa liberalna strona energijoweho managera Roberta Goloba je wólby parlamenta w Słowjenskej dobyła, a to jasnišo hač wočakowane. Prawicarskonarodny ministerski prezident Janez Janša je tak po dwěmaj lětomaj swoje zastojnstwo zaso přisadźił. Swobodniske hibanje Goloba je sej 34 procentow hłosow zdobyło. Strona Janšy SDS móžeše 24 procentow wolerjow přeswědčić. Janša je mjeztym swoju wólbnu poražku přiznał.

CDU/CSU z naćiskom bróni dla