Hdyž tón mały wot SSW z wicekanclerom dansce rěči

pjatk, 10. junija 2022
artikl hódnoćić
(0 )
42lětny Stefan Seidler zastupuje Južnoschleswigski wolerski zwjazk SSW zaso w Němskim zwjazkowym sejmje. Hinak hač wony muž SSW w prěnjej wólbnej periodźe parlamenta dostudowany master statno- a politiskeje wědomosće z Flensburga nimo zajimow sewjerneho pomjezneho kraja runje tak naležnosće Serbow kaž tež Sintow a Romow wobkedźbuje. Axel Arlt 42lětny Stefan Seidler zastupuje Južnoschleswigski wolerski zwjazk SSW zaso w Němskim zwjazkowym sejmje. Hinak hač wony muž SSW w prěnjej wólbnej periodźe parlamenta dostudowany master statno- a politiskeje wědomosće z Flensburga nimo zajimow sewjerneho pomjezneho kraja runje tak naležnosće Serbow kaž tež Sintow a Romow wobkedźbuje. Axel Arlt

Serbske Nowiny su zapósłanca mjeńšiny Stefana Seidlera w Berlinje zetkali

Skok z Reichstaga zdaleny, sydła Němskeho zwjazkoweho sejma, ma Stefan Seidler, zapósłanc Južnoschleswigskeho wolerskeho zwjazka SSW swój běrow w Berlinje. Wón je eksot mjez 736 ludowymi zastupjerkami a zastupjerjemi najwyšeho parlamenta našeho kraja. Jemu po boku staj w stolicy nawodnica běrowa a wědomostny sobudźěłaćer. Za rozmołwu z Axelom Arltom je sej muž z Flensburga hodźinu chwile wzał, byrnjež terminowa protyka połna była.

Knježe Seidlero, kak su Was w parlamenće Němskeje jako tak mjenowaneho „zapósłanca mjeńšiny“ přiwzali?

Jara derje. Frakcije demokratiskich stron su mje přewšo wotewrjenje přijimali. Tež zarjadnistwo zwjazkoweho sejma je mi napřećo přišło. Chcu je chwalić. Byrnjež wšitke zapósłanče a wšitkich zapósłancow jenak wobjednali, sym drje pytnył, zo su so tróšku prócowali. To kóždy dźeń nimaja, zo budźe kandidat-jednotliwc do zwjazkoweho sejma wuzwoleny.

Sće zapósłanc bjez frakcije. Su někotrežkuli frakcije spytali Was nawabić?

wozjewjene w: Kraj a swět

Galerija

dalši wobraz (1) dalši wobraz (2)
Prošu přizjewće so, chceće-li komentar podać

Serbska debata

nowostki LND