Berlin (dpa/SN). Zwjazkowy minister za financy Christian Lindner (FDP) wobydlerjow namołwja, so hladajo na stupace płaćizny jako sćěh wójny na Ukrainje na dołhi čas tradanja nastajić. „Moja starosć je, zo změjemy za něšto tydźenjow a měsacow jara kritiske połoženje“, rjekny Lindner wčera w sćelaku ZDF. „Dźe wo tři, štyri abo samo pjeć lět tradanja. Na to dyrbimy wotmołwu namakać“. Lindner doda: „Wobsteji strach jara chutneje hospodarskeje krizy jako sćěh přiběracych płaćiznow energije, problemow dodawanja materiala a tež wulkeje inflacije dla. Tohodla je trjeba, wo wšitkich móžnosćach rěčeć, tež wo podlěšenje dźěłoweho časa třoch hišće zbywacych atomowych milinarnjow.