Swjedźenska hra na Horach

štwórtk, 14. julija 2022
artikl hódnoćić
(0 )
Wrotar tradiciskeho mustwa LSV Hory měješe we wobłuku swjedźenskeje hry přećiwo tradiciskemu cyłkej zwjazkoweho koparskeho ligista 1. FC Union Berlin w běhu cyłeje hry tójšto dźěła. Stanje zaso hosćo wrota hosćićela nadběhowachu. Foto: Werner Müller Wrotar tradiciskeho mustwa LSV Hory měješe we wobłuku swjedźenskeje hry přećiwo tradiciskemu cyłkej zwjazkoweho koparskeho ligista 1. FC Union Berlin w běhu cyłeje hry tójšto dźěła. Stanje zaso hosćo wrota hosćićela nadběhowachu. Foto: Werner Müller

Tradiciski team LSV Hory

– Tradiciske mustwo 1. FC Union Berlin 1:8

Kołowokoło poradźeneho swjedźenja k 30. jubilejej LSV Hory je 850 přihladowarjow k sportnišću na Horach pola Wojerec přichwatało, zo by tradiciske mustwo LSV Hory 1990 přećiwo tradiciskemu teamej 1. FC Union Berlin widźało. Werner Müller je někotre hłosy zapopadnył.

„Dožiwichmy dźensa jara dobre zarjadowanje z wjace hač 830 přihladowarjemi. To bě super wěc. Nam je wšitkim wjeselo činiło a towarstwu LSV Hory a přihladowarjam zawěsće tež. Móžachmy wjele rjanych wrotow widźeć. W cyłku bě to jara rjana wěc“, tak dr. Detlef Schwarz, trenar tradiciskeho teama 1. FC Union Berlin.

„Dźensniše zarjadowanje je prosće sensacionelne. Dožiwiš tu tajku zahoritosć mjez přihladowarjemi. Smy dźensa genialnu hru widźeli. Wjeselu so, zo smědźach nadawk LSV Hory jako trenar přewzać. Běch dźě do toho hižo nazwučowar pola dorosta LSV Hory a tež sponsor towarstwa“, zwurazni Stefan Zehler, nowy trenar prěnjeho mustwa LSV Hory.

wozjewjene w: Sport

Galerija

dalši wobraz (1) Podpisma na trikoty dźěći běchu chětro požadane, tež hdyž kopaše na horach jenož stara garda z Berlina a nic aktualne mustwo 1. FC Union Berlin.
Prošu přizjewće so, chceće-li komentar podać

Serbska debata

nowostki LND