Berlin (dpa/SN). Na přeprošenje zwjazkoweho kanclera Olafa Scholza (SPD) a prezidentki europskeje komisije Ursule von der Leyen (CDU) su dźensa mjezynarodni fachowcy wo znowanatwarje Ukrainy po kóncu wójny wuradźowali. Na wuradźowanju wobdźěleštaj so tohorunja ukrainski ministerski prezident Denys Šmyhal a pólski ministerski prezident Mateusz Morawiecki. Scholz a von der Leyen staj znowanatwar jako „generaciski nadawk“ pomjenowałoj.

Charles III. powoła premiera

London (dpa/SN). Předsyda Toryjow Ri­shi Sunak je zastojnstwo jako nowy britiski premierminister nastupił. Kral Charles III. je bywšeho financneho ministra dźensa dopołdnja w Buckingham palasće přijał a jeho formelnje k wutworjenju knježerstwa społnomócnił. Sunak bu wčera za noweho předsydu swojeje konserwatiwneje strony a z tym tež na premierministra pomjenowany.

Čěkancow wuchowali