Wot 1. januara płaći zakoń z nowymi prawidłami zapakowanja
Berlin (dpa/SN). Kupcy maja w přichodźe prawo na to, sej jědź a napoje za sobuwzaće we wospjet wužiwajomnym zapakowanju sobu wzać. To wuchadźa z 2021 wot Zwjazka postajenych nowych wukazow zapakowanskeho zakonja. Tak dyrbja hosćency, kofejownje, kantiny, tankownje a poskićowarjo jědźe a napojow na puć wospjet wužiwajomne zapakowanje poskićeć.
