Reformje załožby puć rubali poručenje

pjatk, 27. januara 2023
artikl hódnoćić
(0 )

Serbscy radźićeljo su „wutroba“ załožboweje rady, ale hišće nic „organ“

Budyšin (SN/mb). Sebastian Hecht słuša do kruha „pjenjezydawarjow“ w radźe Załožby za serbski lud, wón je nawoda wobłuka kultura a turizm w sakskim statnym ministerstwje za wědomosć, kulturu a turizm. Tola „wutroba“ załožboweje rady su po jeho měnjenju serbscy radźićeljo, dokelž su woni faktisce za wšě wobsahi zamołwići, z kotrymiž ma so gremij zaběrać. So wě, zo je předsydka załožboweje rady, Susann Šenkec, wčera na nowinskej konferency po posedźenju w Budyskim Serbskim domje nawjazujo na tute wuprajenje politiski nadawk wuzběhnyła: „wutrobje“ status „organa“ spožčić. Praktiska konkluzija by była: Jeničce serbscy radźićeljo bychu załožbowu radu tworili, zastupjerjo pjenjezydawarjow bychu so kaž zarjadniska rada wo prawniski dohlad starali. Šenkec so wjeseleše, zo „smy so zhromadnje z pjenjezydawarjemi do dialoga do tutoho směra podali“.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND