ST Marijina hwězda – SJ Chrósćicy 1981 II 1:1 (1:0)
Zestawa Pančičanow: D. Matik – T. Jurš, K. Pakoßnick, R. Cyž, M. Wróbl (85. D. Leppers), J. Zelnak (60. E. Bulank), Ch. Cyž, J. P. Kuring, Fr. Bulank (72. Luk. Hoge), A. Eldor (27. J. Krječmar), J. Pakoßnick
Zestawa Chróšćanow: Škoda – J. Donat, F. Zahrodnik, R. Materna, B. Sćapan, M. Zahrodnik, D. Žur, D. Dyrlich (72. D. Hicka), M. Dridiger-Šołta (46. S. Klemenc), Kř. Zahrodnik, A. Graf
Kermušnu njedźelu witachu Pančičenjo koparjow z bliskich Chrósćic na swójskim trawniku na duel tabulkoweju susodow a na dalši serbski derby we wokrjesnej lize, stafli II.
Wosebje w prěnjej štwórć hodźinje zetkanja wukonjachu domjacy z wobhladanja hódnymi akcijemi porjadny ćišć na wrota Chróšćanow. Tak docpě domjacy cyłk z trochu zbožom přez samowrota Bena Sćapana po róžku Alija Eldora nawjedowanje 1:0. Wot nadkolena lećeše bul směr wrota. Wrotar Jakub Škoda pak hrajny nastroj hakle zady wrotoweje linije (7.) dosahny. Z njeznatych přičiń so wotnětka wěsta nerwoznosć do hry módro-žołtych měšeše, tak zo so tež koparjo SJC husćišo raz w napřećiwnej šěsnatce pokazachu.
