Lipsk (dpa/SN). Na Lipšćanskim krajnym sudnistwje zahaja dźensa proces přećiwo nadpadnikej, kotryž běše před poł lětom w atace ze swojim awtom w Lipšćanskim nutřkownym měsće dwě wosobje morił a šěsć ludźi zranił. 34lětneho němskeho staćana wobskorža dwójneho mordarstwa kaž tež pospyta morjenja w 85 padach dla. Po informacijach stateho rěčnistwa njeje skućićel ani z politiskich ani z nabožnych motiwow jednał.

Wěstotna naprawa w zarjedźe

Zły Komorow (dpa/SN). Podhlada cyberoweho nadpada dla dyrbjachu za wěstotu zamołwići we wokrjesnym zarjadni­stwje Hornje Błóta-Łužica technisku infrastrukturu wobmjezować. Hižo wot 20. oktobra njemóža zarjadniscy sobudźěłaćerjo digitalnje dźěłać, tež mejlki přistupne njejsu. W tutym tydźenju wobmjezowanja dale traja, zarjadnistwo zdźěli. Hdy techniske systemy zaso dźěła­kmane su, tuchwilu njewědźa. Telefonisku syć wěstotne naprawy njepo­trjechja.

Jotowa wólby dobyła