Randalěrowacy po kóncu sobotnišich demonstracijow zachadźeli

Berlin (dpa/SN). W něhdźe 30 městach – mjez druhim w Berlinje, Mnichowje, Erfurće, Lipsku, Hamburgu kaž tež Drježdźanach – běše iniciatiwa „Gen Z rjaduje“ minjenu sobotu k měrliwym demonstracijam namołwjała. Hłownje žadachu sej młodźi wobdźělnicy mjez druhim wjace inwesticijow stata za šule, wobswětoškit kaž tež škit klimy a wuprajichu so přećiwo winowatostnej wojerskej słužbje. Po informacijach policije běše po cyłej Němskej něhdźe 65 000 ludźi we wobłuku „přewažnje měrliwych demonstracijow“ po puću. W Lipsku, Drježdźanach a Kamjenicy zličichu dohromady něhdźe 10 000 demonstrowacych.