Stajnje tři běhi
Motocrossowa serija ADAC MX Masters budźe so w nowej sezonje po nowym modusu wubědźować.
W klasach MX Masters, ADAC MX Youngtser Cup a ADAC MX Junior Cup 125 maja so kóždy wubědźowanski kónc tydźenja stajnje tři hódnoćenske běhi přewjesć, pola ADAC MX Junior Cup 85 pak dale jenož dwaj we wobłuku zarjadowanja. Prěnje hódnoćenske běhi wotměja so po sobotach. Přez nowy modus w klasach 1–3 dóstanu jězdźerjo wjace wubědźowanskeho časa. Nimo toho budu soboty za přihladowarjow a aktiwnych jasnje aktraktiwniše. Teamy a jězdźerjo smědźa so wotnětka pod www.adac-mx-masters.de/online-nennung/ za wubědźowanja přizjewić.
Kruće připrajił je hižo lětuši champion Jordi Tixier. Francoza chce klětu na Sarholz-KTM titul zakitować. Jeho teamowy kolega budźe Belgičan Cyril Genot. Wón je ze sylnymi wukonami na swětowych mišterstwach MX2 na so skedźbnił a ADAC MX Masters zawěsće wobohaći. Tež Tom Koch je wobkrućił, zo so na mišterstwach wobdźěli. Po změnje k teamej Kosak Racing chce wón spytać znowa jako najlěpši němski pilot dypkować. Jurij Bjeńš
Maja hižo zymsku přestawku
Zapadołužiski koparski zwjazk je so před něšto dnjemi ke koronapandemiji wuprajił a wšitke dypkowe hry muži, młodostnych a dźěći hač do kónca lěta wotprajił. Wosebje za młodostnych je to bolostny rozsud. Wšako su jim poslednje lěta do přiwzaća k muskim mustwam za wuwiće jara wažne. Hrajne zjednoćenstwo młodźiny A, B a C mjez Ralbicami, Chrósćicami, Njebjelčicami a Pančicami-Kukowom kaž tež dalši němsko-serbski cyłk mjez Radworjom a Wulkej Dubrawu dźetej tuž do dočasneje zymskeje přestawki. Hač budu mustwa hrajnu dobu po zwučenym wašnju dokónčić móc, dotal nichtó rjec njemóže! Jan Hrjehor
1. Rakecy/Njeswačidło 5 38 : 7 15
2. Radwor/Wulka Dubrawa 5 32 : 5 12
3. Malešecy 5 33 : 11 12
4. Horni kraj / Załom 6 26 : 22 9
5. Póst Budyšin 5 12 : 16 9
6. Kumwałd 4 9 : 9 6
7. Hodźij 3 5 : 19 0
8. Porchow/Biskopicy II 5 1 : 27 0
9. Ćisk/Hory/Łaz 4 2 : 42 0
młodźina C, stafla 2
1. Ottendorf-Okrilla 4 23 : 6 12
2. Liegau-Augustusbad 6 27 : 11 12
3. Kinspork/Łužnica 5 8 : 4 10
4. Arnsdorf 6 13 : 12 8
5. Połčnica 4 14 : 8 7
6. Großnaundorf 5 13 : 17 6
7. Wachau 5 6 : 11 6
8. Ralbicy/Chrósćicy/Njebjelčicy/
Pančicy-Kukow 5 11 : 26 3
9. Bretnig-Hauswalde 6 12 : 32 3
młodźina B, stafla 1
1. Bukecy/Kubšicy 6 40 : 9 15
2. Radwor/Wulka Dubrawa 5 21 : 6 13
3. Hnašecy/Dobruša 4 27 : 3 12
4. Załom/Wopaka 6 21 : 37 7
5. Ćisk/Hory 5 9 : 22 6
6. Póst Budyšin 4 11 : 11 4
7. Wjazońca/Wjelećin 5 8 : 18 3
Z Kamjeničanskimi atletkami hromadźe dźěłał
Štóž je minjene dny sportowe powěsće w Sakskej sćěhował, tón je zawěsće tež wo skandalu na olympiskim zepěranišću w Kamjenicy słyšał. Tam trenuja tež ćěłozwučowarki. Někotre z nich su so zjawnje na znatu trenarku Gabrielu Frehse hóršili. Wona pak je so sama tež hižo wuprajiła a měniła, zo mnohe wumjetowanja njetrjechja.
Stefan Möller, pochadźacy ze Šunowa, bydleše třiapoł lěta w Kamjenicy a studowaše tam rehaprewenciski a fitnesowy sport. Mjez druhim dźěłaše tež na zepěranišću a tam wšitke wosoby, wo kotrychž je tuchwilnje rěč, tež mjenje abo bóle zeznał. Što k situaciji měni, je wón Jurjej Bjeńšej powědał.
Stefano, w zjawnosći su so někotre ćěłozwučowarki před tydźenjomaj přećiwo swojej něhdyšej trenarce Gabrieli Frehse wuprajili. Sće ze wšitkimi wosobami tehdy kontakt měł?
S. Möller: Z Paulinu Schäfer a Sophie Scheder, naposledk mjenowana wšak njeje so negatiwnje wuprajiła, sym lěto do Olympiskich lětnich hrow w Rio de Janeiru na atletice dźěłał, ženje pak hromadźe z Gabrielu Frehse. Tež z tamnymi ćěłozwučowarkami mějach kontakt, haj.
Dźěćom krótke, jasne a zrozumliwe pokiwy dawać
SN maja pjeć prašenjow na Jurja Bjeńša, koordinatora koparskeho dorosta Sokoła Ralbicy/Hórki.
Znowa knježi přestawka w amaterskim sporće, tak tež w kopańcy. Kak z tym wobchadźeće a kotre naprawy sće pola Sokoła Ralbicy/Hórki přewjedli?
J. Bjeńš: Kaž wšudźe dyrbjachmy tež Ralbičanski Stadion přećelstwa zamknyć, ale nadźijamy so, zo móžemy jón bórze zaso wotewrěć. Za dźěći a młodostnych je to katastrofa, wšako su jim tydźenski trening a kónctydźenske koparske hry wosebite wjerški. Tež sezona w hali budźe wupadnyć dyrbjeć, štož młodych technikarjow jara zrudźa. Sam tučasnje dorostowy trenar njejsym, zapołožich před lětomaj přestawku. Jako dorostowy koordinator pak doma wšelake běrokratiske wěcy dokoławokoło dorosta Sokoła Ralbicy/Hórki wobdźěłuju.
Kotre kmanosće a kajkosće dyrbi tajki dorostowy trenar měć? Što je w treningu z dźěćimi wažne?
Lětsa žana kopańca wjace
Prjedy hač je zwjazkowe knježerstwo wo dalšim postupowanju w koronakrizy rozsudźiło, bě Sakski koparski zwjazk kónc nowembra wozjewił, zo w lěće 2020 hižo žane winowatostne koparske hry njenastaji. Rozsud płaći na wšitkich runinach wšěch starobnych klasow w zamołwitosći koparskeho zwjazka wot krajnych ligow a klasow hač dele na wokrjesnu runinu. „Tak maja towarstwa za měsac december wěstosć planowanja. Kak a hdy dale póńdźe, njehodźi so po dźensnišim stawje rjec,“ zdźěli Volkmar Beier, předsyda hrajneho wuběrka.
Prezident Sakskeho koparskeho zwjazka Hermann Winkler zwurazni: „Postajenja zarjadow lětsa wjace žane hry njedowoleja. Jako prezident chcu pak pola wosobow politiki, kotrež rozsudźeja, wo to wojować, zo budu dźěći a młodostni bórze zaso trenować móc. Nadźijam so, zo smědźa w nowym lěće ručež móžno so zaso na kopanišća wróćić.“
Maik Brězan
Wulke změny planowane
Wolejbulowa zwjazkowa liga žonow pohonja plany do přichoda němskeho sporta
Najsylniša wolejbulowa liga žonow Němskeje kroči w koronakrizy nowe puće do přichoda. Zastupjerjo a zastupjerki zwjazkoweje ligi dorozumichu so na wobšěrny paket naprawow a sformulowachu jako finalny zaměr wiziju, so jedna „z třoch top-ligow Europy“ stać.
Łužiscy lodohokejisća chětro pod kolesa přišli
EC Bad Tölzske lawy – Łužiske liški Běła Woda 7:1 (3:0, 2:1, 2:0)
Po lodohokejowej hrě w Bietigheimje, hdźež Łužiske liški tam hnydom dwě nocy přebywachu, podachu so wone njedźelu do Bad Tölza. W prěnich dźesać mjeńšinach wuhrachu sej tamniše lawy jednu šansu po druhej. Tola wrota hišće žane padnyć nochcychu. Na boku hosći měješe jenož Kale Kerbashian jednu wulku składnosć, sadźi pak třělwu snadnje pódla wrotow. W 13. min. domjacy nawjedowachu. Po konteru na lěwym boku a preciznej přihrawce dyrbješe domjacy nadběhowar jenož hišće swoju łopatku do puka dźeržeć. We 18. a 19. min. poradźi so hosćićelam 2:0 a 3:0. Krótko do prěnjeje přestawki by Kerbashian prěnje wrota za Běłowodźanow třělić móhł, ale znowa wón wrota snadnje misny.
Tež w druhej třećinje wostachu Bayerojo dominowace mustwo. Samo, jako hrajachu hosćo raz z mužom wjace, so jim wjele njeporadźi. W 26. a 34. min. zwyšichu Tölzske lawy na 5:0. Po dobytym bullyju pak smaleše Kerbashian z pukom na přećiwniske wrota, posłuži tam Lucasa Dumonta, kiž ležo na 1:5 skrótši. Tola domjacych to nješokowaše, dalše tři stoprocentne šansy w tej třećinje dopokazachu jich dominancu.
Widźał, słyšał, napisał (07.12.20)
Sportowe lěto 2020 so nachila. Z wida přiwisnikow, fanow a aktiwnych sy je woprawdźe do škotu stłóčić móhł. Zo pak njebych tež hišće skoržić započał, što wšitko njebě, što wšo dyrbjachu wotprajić abo što tu hewak hišće wšitko w swěće sporta křiwje běži, wěnuju so dźensa radšo pozitiwnym nowosćam.
Sport (04.12.20)
Wolejbul na zwjazkowej runinje
Wolejbulistki Drježdźanskeho SC hraja jutře, sobotu, w 19 hodź. w 1. zwjazkowej lize we Wiesbadenje. Hry na zwjazkowej runinje pokazuja pak w telewiziji SPORT1 pak w livestreamje pod www.sporttotal.tv. Za tydźeń, 12. decembra, w 15.30 hodź. wočakuja Drježdźanjanki potom mustwo ze Schwerina, a 19. decembra je hišće hra sakskich wolejbulistkow w bayerskim Vilsbiburgu planowana.
Nowe hrajne terminy za Liški
Mustwo Łužiskich lodohokejowych liškow wostanje dale w domjacej izolaciji, dokelž maja mjeztym dalše pozitiwne pady. Tule hry z nowym terminom:
06.12. 18:00 ESV Kaufbeuren –
EC Kassel Huskies
15.12. 19:30 Kassel Huskies –
Bietigheim Steelers
12.01. 20:00 Heilbronnske sokoły –
Łužiske liški
26.01. 19:30 Łužiske liški – Lodowe piraty Crimmitschau
26.01. 19:30 Lawy Frankfurt –
Tölzske lawy
26.01. 20:00 Heilbronnske sokoły –
ESV Kaufbeuren
02.02. 19:30 Tölzske lawy –
Kassel Huskies
02.02. 20:00 Bietigheim Steelers –
Heilbronnske sokoły
16.02. 20:00 Lodowe piraty Crimmitschau – EHC Freiburg
18.02. 19:30 Łužiske liški –
EHC Freiburg
Běhanski adwentny kalender
Najmłódši lodohokejisća najstaršich přewinyli
Bietigheim Steelers – Łužiske liški Běła Woda 3:5 (1:2, 2:1, 0:2)
Pjata hra sezony běše za Łužiske lodohokejowe liški (přerězna staroba 23 lět) duel z najstaršim teamom ligi (přerězk: 27 lět). Za cyłk ze Sakskeje běše to zdobom prěnje wonkowne dobyće. Po hižo dwanaće sekundach prěni raz we wrotach Bietigheima klinkaše. Z mjerwjeńcy stłóči Fabian Dietz čorny puk přez liniju – lěpši start njemóžachu sej Běłowodźenjo předstajić. Po tym zo hraješe hosćićel prěni raz w powerplayju, wón tež hnydom wuruna (13.), a to zasłužbnje, dokelž žane mustwo wulce njedominowaše. Hnydom po tym skićeše so domjacym dalša wulka składnosć, kotruž pak wrotar „Mac“ Carruth wulkotnje znješkódni. Jako na to Łužiske liški do powerplayja dźěchu, woni pokazachu, zo jón tohorunja wobknježa. Kale Kerbashian trjechi k 1:2 do prěnjeje přestawki.
