Před štyrjomi lětdźesatkami w ČSSR Chartu 77 zrodźili

Praha (ČŽ/K). Na městnje, na kotrymž běchu w Praze před 40 lětami zajeli disidentow Václava Havela, Ludvíka Vaculíka a Pavela Landovskeho, ćěkacych z wozjewjenjom Charty 77 před statnej wěstotu, su wčera prowizoriski pomnik wotkryli. Wón ma podobu póstoweho kašćika, zo móhli sej ludźo z njeho wobalki z tekstom Charty 77 wućahnyć.