Maas: Zmužitosć sej wažić

wutora, 01. oktobera 2019
artikl hódnoćić
(0 )
Zwjazkowy wonkowny minister Heiko Maas (SPD, 4. wotlěwa) je wčera w Praze historiski wokomik wopominał, jako bě bywši wonkowny minister Hans-Dietrich Genscher před 30 lětami ćěkancam z NDR w němskim wulkopósłanstwje připowědźił, zo smědźa wupućować. Zhromadnje z nim činješe to mjez druhim Rudolf Seiters (3. wotlěwa), kiž bě swój čas jako nawoda kanclerskeho zarjada poboku Genschera na balkonje němskeho wulkopósłanstwa stał.  Foto: dpa/Gregor Fischer Zwjazkowy wonkowny minister Heiko Maas (SPD, 4. wotlěwa) je wčera w Praze historiski wokomik wopominał, jako bě bywši wonkowny minister Hans-Dietrich Genscher před 30 lětami ćěkancam z NDR w němskim wulkopósłanstwje připowědźił, zo smědźa wupućować. Zhromadnje z nim činješe to mjez druhim Rudolf Seiters (3. wotlěwa), kiž bě swój čas jako nawoda kanclerskeho zarjada poboku Genschera na balkonje němskeho wulkopósłanstwa stał. Foto: dpa/Gregor Fischer

W Praze 30. róčnicu sławneje narěče Genschera 1989 wopominali

Praha (dpa/SN). Němski wonkowny minister Heiko Maas (SPD) je sławnu balkonowu narěč swojeho předchadnika Hansa-Dietricha Genschera (FDP) před 30 lětami jako „najbóle magiski wokomik znowazjednoćenja Němskeje nimo powalenja murje“ wuzběhnył. „To njebě nikomu wšojedne“, rjekny Maas na swojim wčerawšim wopyće w Praze składnostnje róčnicy narěče Genschera, jako bě tón wjace hač 4 000 ćěkancam z NDR na terenje němskeho wulkopósłanstwa zdźělił, zo smědźa do Zapadneje Němskeje wupućować. „Hdyž je hdy wukřika za swobodu, bě wón tehdy słyšeć.“

W swojej narěči na oficialnym witanju we wulkopósłanstwje so Heiko Maas za to zasadźi, sej zmužitosć tehdyšich NDRskich ćěkancow za přikład brać. „Wudani so sej něšto zwěrić za swobodu, sprawnosć a demokratiju, dokelž njeje ničo z toho samozrozumliwe“, wón rjekny. „Tute dopóznaće je dźensa, w času populistiskich zawjednikow a nacionalistiskich ideologijow, runje tak wažne kaž w lěće 1989.“

wozjewjene w: Słowjanski wukraj
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND