Jasne dobyće za knježacu PiS

póndźela, 14. oktobera 2019
artikl hódnoćić
(0 )
W Pólskej knježaca narodnokonserwatiwna strona Prawo a sprawnosć (PiS) ze swojim předsydu Jarosławom Kaczyńskim (naprawo)  na čole je wčerawše wólby parlamenta jasnje dobyła a je swoju absolutnu wjetšinu samo hišće wutwarić móhła. Ministerski  prezident Mateusz Morawiecki (nalěwo) móže tuž dale bjez koaliciskeho partnera knježić. Po dotalnym wuličenju dósta PiS 43,6 procentow, opoziciske zjednoćenstwo KO 27,4 procenty.  Foto: dpa/Grzegorz Banaszak W Pólskej knježaca narodnokonserwatiwna strona Prawo a sprawnosć (PiS) ze swojim předsydu Jarosławom Kaczyńskim (naprawo) na čole je wčerawše wólby parlamenta jasnje dobyła a je swoju absolutnu wjetšinu samo hišće wutwarić móhła. Ministerski prezident Mateusz Morawiecki (nalěwo) móže tuž dale bjez koaliciskeho partnera knježić. Po dotalnym wuličenju dósta PiS 43,6 procentow, opoziciske zjednoćenstwo KO 27,4 procenty. Foto: dpa/Grzegorz Banaszak

Narodnokonserwatiwni knježa w Pólskej dale z absolutnej wjetšinu

Waršawa (dpa/SN). Narodnokonserwatiwni wostanu w Pólskej dale z najsylnišej politiskej mocu. Knježerstwowa strona Prawo a sprawnosć (PiS) ministerskeho prezidenta Mateusza Morawieckeho je wčerawše wólby parlamenta jasnje dobyła. Tak drje konflikt mjez Waršawu a Brüsselom wjele diskutowaneje justicneje reformy dla dale traje. Tež němsko-pólski poměr wostanje napjaty, dokelž žada sej PiS reparacije Němskeje.

Po dotalnym wuličenju je 43,6 procentow wolerjow za PiS hłosowało. „Tutón wuslědk dawa nam wulki towaršnostny nadawk, smy dowěru přidobyli“, rjekny Morawiecki wyskacym přiwisnikam. Při tym dyrbješe so PiS z raznym napřećiwnym wětřikom bědźić – w kraju „ale tež z wukraja“, Morawiecki potwjerdźi.

wozjewjene w: Słowjanski wukraj
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND