Na wjele blakach protestowali

póndźela, 31. awgusta 2020
artikl hódnoćić
(0 )
W třikrajowym róžku Němskeje, Čěskeje a Pólskeje su wčera přećiwo rozšěrjenju pólskeje brunicoweje jamy Turów protestowali. Organizacija Greenpeace bě na akciju přeprosyła, we wobłuku kotrejež běchu mjez druhim tež z čołmami na Nysy po puću. Na pólskej stronje pak zetkachu so podpěraćeljo jamy. Foto: Lausitznews/Jens Kaczmarek W třikrajowym róžku Němskeje, Čěskeje a Pólskeje su wčera přećiwo rozšěrjenju pólskeje brunicoweje jamy Turów protestowali. Organizacija Greenpeace bě na akciju přeprosyła, we wobłuku kotrejež běchu mjez druhim tež z čołmami na Nysy po puću. Na pólskej stronje pak zetkachu so podpěraćeljo jamy. Foto: Lausitznews/Jens Kaczmarek

Wudobywanje brunicy ludźi w Němskej, Čěskej a Pólskej jara zaběra

Liberec/Waršawa (dpa/SN). Sta ludźi z Němskeje, Čěskeje a Pólskeje su wčera přećiwo tomu protestowali, brunicowu jamu w pólskim Turowje powjetšić. Ludźo so boja, zo móhła jama bliske němske a čěske reservoiry wohrozyć. Runje tak starosća so wjace hary a procha dla, zdźěli čěska powěsćowa agentura ČTK. Na pólskej stronje su porno tomu dalši ludźo za rozšěrjenje jamy protestowali.

Pólski energijowy koncern PGE zwurazni, zo brunicowa jama wšitke wobswětowe standardy spjelnja a tysacy dźěłowych městnow w regionje zaruča. Nimo toho je w Čěskej a Němskej hišće wjetšich jamow, PGE argumentuje. Hakle njedawno dósta předewzaće dowolnosć, zo smě ze swojimi aktiwitami hač do lěta 2026 pokročować. PGE chce swoje plany rady hač do lěta 2044 podlěšić a brunicu w jamje dospołnje wudobywać. Přećiwnicy so porno tomu za to zasadźeja, zo jamu w běhu dźesać lět zawru.

wozjewjene w: Słowjanski wukraj
Prošu přizjewće so, chceće-li komentar podać

nawěšk