Najmłódši lodohokejisća najstaršich přewinyli

štwórtk, 03. decembera 2020
artikl hódnoćić
(0 )
Tu dyrbi so Kanadźan Kale Kerbashian (srjedźa, Běła Woda) hnydom přećiwo dwěmaj dalšimaj akteromaj přesadźić, přećiwo sudnikej a hrajerjej mustwa Kassel Huskies Coreyjej Trivinej.  Foto: Thomas Heide Tu dyrbi so Kanadźan Kale Kerbashian (srjedźa, Běła Woda) hnydom přećiwo dwěmaj dalšimaj akteromaj přesadźić, přećiwo sudnikej a hrajerjej mustwa Kassel Huskies Coreyjej Trivinej. Foto: Thomas Heide

Bietigheim Steelers – Łužiske liški Běła Woda 3:5 (1:2, 2:1, 0:2)

Pjata hra sezony běše za Łužiske lodo­hokejowe liški (přerězna staroba 23 lět) duel z najstaršim teamom ligi (přerězk: 27 lět). Za cyłk ze Sakskeje běše to zdobom prěnje wonkowne dobyće. Po hižo dwanaće sekundach prěni raz we wrotach Bietigheima klinkaše. Z mjerwjeńcy stłóči Fabian Dietz čorny puk přez liniju – lěpši start njemóžachu sej Běłowodźenjo předstajić. Po tym zo hraješe hosćićel prěni raz w powerplayju, wón tež hnydom wuruna (13.), a to zasłužbnje, dokelž žane mustwo wulce njedominowaše. Hnydom po tym skićeše so domjacym dalša wulka składnosć, kotruž pak wrotar „Mac“ Carruth wulkotnje znješkódni. Jako na to Łužiske liški do powerplayja dźěchu, woni pokazachu, zo jón tohorunja wobknježa. Kale Kerbashian trjechi k 1:2 do prěnjeje přestawki.

wozjewjene w: Sport

Galerija

dalši wobraz (1) Najlěpši třělc wrotow liškow Kale Kerbashian
Prošu přizjewće so, chceće-li komentar podać

Serbska debata

nowostki LND