Wulkotny wukon přećiwo faworitej pokazali

Dynamo Drježdźany – Hamburgske ST 1:1 (0:1)

Zestawa domjacyh: Broll – Löwe, Ehlers, Sollbauer, Akoto, Stark, Kade (90.+2 Gior­be­lidze), Königsdörffer (82. Mörschel), Daferner, Borello (71. Will), Drchal (71. Batista-Meier)

17. januara 2022 je so hrajny wuběrk Sakskeho wolejbuloweho zwjazka (SSVB) schadźował, zo by wo aktualnej situa­ciji w zwisku z płaćiwymi korona-naprawami a wo pokročowanju aktual­neje sezony wuradźował. Postajenja za dale­wjedźenje hrajneje doby su slědo­wace:

1. Hrajny přeběh za dorosćenych startuje 5./6. měrca po aktualnje płaćiwym postajenju 2G+. Zaměr je sezonu hódnoćić móc, na přikład přez absolwowanje jednoreho prěnjeho koła. Dokładne wuhotowanje w jednotliwych staflach budźe přez krótkodobnje zwołane staflowe dny ze wšěmi mustwami wothłosowane a wobzamknjene.

2. Mustwam je přewostajene, wot kónca tydźenja 29./30. januara 2022 wot­prajene/přepołožene hry w swójskej zamołwitosći z pisomnym přihłosowanjom wšitkich wobdźělenych mustwow přewjesć.

3. Zo by znowazahajenje hrajneho pře­běha spěchował, wupraja so wuběrk SSVB za slědowace změny w hrajnym porjedźe, kotryž je hač do 30. junija płaćiwy:

Regionalny koparski ligist FC Energija Choćebuz hraje we wubědźowanju wo kraj­ny pokal AOK Braniborskeje přećiwo SV Babelsbergej 03. Tak dóńdźe k ryzy duelej regionalneju ligistow. Hi­žo­ w pokalnej sezonje 2020/2021 kasěrowaše FCE w połfinalu poražku 0:3.

Po wotchadźe trenarja Dirka Lottnera chcyše tehdom Damir Agović, trenar młodźiny A, muži do krajneho pokal­ne­ho finala wjesć. To pak je so kom­pletnje nimokuliło.

Wjele brizancy skići tež dalša poł­­fi­nal­na hra. W njej nastupi aktualny načol­nik wyšeje ligi-juh VfB Kśišow (Krieschow) přećiwo pjatnatemu wyšeje ligi-sewjer MSV Neuruppin. VfB Kśišow 15 kilometrow před wrotami města Choćebuza je nětko na najlěpšim puću, do štwórteje ligi postupić. Wo strowu hospodarsku stronu stara so za towarstwo twarske předewzaće Lehmann. A wone je so tež wo to starało, zo su tam nimale jenož koparjo aktiw­ni, kiž běchu so w dorostowych mustwach FC Energije wukubłać dali.

Wolejbulistki DSC sensacionelnje dobyli

póndźela, 24. januara 2022 spisane wot:

Tabulka champions league w skupinje A po štwórtym hrajnym dnju:

1. Developres Rzeszów 4 10  12:5

2. Lokomotiwa Kaliningrad  4   7  9:6

3. Drježdźanski SC  4   6  8:9

4. SC Prometey Dnipro  4   1  3:12


Překwapjacy wuspěch su wolejbulistki Drježdźanskeho SC minjenu wutoru w champions league žnjeli, dobywši partiju pola ruskeho mištra Lokomotiwa Kaliningrad z 3:1. Šansa na druhe městno w mišterskej lize skupiny A je tuž za hrajerki trenarja Alexandra Waibla w februaru 2022 wjetša.

Awtor dźensa Pětr Šołta

Wón hraje a hraje a hraje ... a budźe zawěsće hišće chwilu hrać: Jaromír Jágr. Čěska lodohokejowa iko­na­ swjeći 15. februara 50. narodniny. Jako mějićel lodohokejoweho kluba w Kladnje pak njesedźi wón při hrach we VIP-wotdźělu stadiona, zo by tam šampanske laptajo swojich hrajerjow pohonjował a sej hdys a hdys čěski chlebíček słodźeć dał: Šef so při kóždej hrě wosobinsce sobu wo to prócuje, zo by jeho mustwo dobyło. Čini to na lodźe jako nadběhowar – jako nimale połstalětny. Zo njeje žiwjenje profesionelneho sportowca žane mědlizanje, wo tym nje­trjebam tu pisać. A zo ći po telko lětach – Jágr debitowaše jako 16lětny 1988 w prěnim mu­stwje za Kladno – dračina na lodźe lóša njeje, je tež jasne. Najwuspěšniši čěski nadběhowar wšěch časow dźě běše přeco za to znaty, zo njeje sej při wšěch dobyćach a triumfach nihdy přestawku popřał abo trening na lochkej ramjeni brał.

Sport (21.01.22)

pjatk, 21. januara 2022 spisane wot:

Ptačokwasny turněr

Sportowe towarstwo Žołto-módri Kulow přewjedźe 31. januara we wulkej sportowej hali „Ptačokwasny“ wolejbulowy turněr za wólnočasne mustwa. Hala budźe tón dźeń wot 19 hodź. přistupna, hry so poł hodźiny pozdźišo započnu. Hač do 24. januara smědźa so mustwa pola předsydy Rolanda Stiebitza přizjewić. W Kulowskej sportowej hali je přistup po prawidle 2Gplus dowoleny.

Štyri terminy steja

Tež lětsa chcedźa jěcharki a jěcharjo Kulow­skeho jěchanskeho towarstwa dwaj turněraj přewjesć: 24. apryla t. mj. start do zeleneje sezony a wot 24. do 26. junija wulki jěchanski a skakanski turněr. W Hór­kach přewjedźe jěchanske towarstwo při Klóšterskej wodźe Pančicy-Kukow wot 11. do 12. junija 5. jězdny turněr a wot 17. do 18. septembra 29. jěchanski turněr.

Liški dźensa doma hraja

Dowolene přihladowarske městna w liščej­ jamje w Běłej Wodźe dosahaja tež dźensa jeno za wobsedźerjow trajnych lisćikow a za sponsorow. Dnjowe kartki žane předawane njebudu.

21.01. 19:30 Łužiske liški –

  EC Kassel Huskies

23.01. 18:30 Heilbronnske sokoły –

  Łužiske liški

Pytaja koparja lěta

Saněruja třěchu tribuny

štwórtk, 20. januara 2022 spisane wot:

Kónc lěta 2021 dósta předsydstwo FC Ener­­gije Choćebuz přizwolenje, zo smě třěchu zapadneje tribuny stadiona kaž tež sportoweje hale, kotraž steji na arealu stadiona, saněrować. Minjeny tydźeń su tam nětko dźěłać započeli. Najprjedy zaró­štuja zapadnu tribunu, čehoždla móže při přichodnych hrach Energije k mjeńšim wobmjezowanjam dóńć. Planowanski běrow Daubitz a Moldenhauer, firmy IK-twar,­ třěchitwar Böhm, třěchikryjer Mäksch a jednaćel FCE André­ Schilbach zetkachu so minjeny štwórtk, zo bychu wo dalšim wotběhu wuradźowali.

Saněrowanski projekt bě jenož móžny, dokelž braniborske ministerstwo za kubłanje, młodźinu a sport jón financielnje podpěruje. Něhdyši Choćebuski wyši mě­šćanosta Frank Szymanski je so wosebje za spěchowanje zasadźał. Jemu kaž tež městu samomu a wokrjesej Sprjewja-Nysa słuša wulki dźak.

Koparjo Energije zaso trenuja

štwórtk, 20. januara 2022 spisane wot:

Mustwo a zamołwići regionalneho kopar­skeho ligista FC Energije Cho­ćebuz­ su so minjeny tydźeń zaso na sportnišću zetkali a trenować započeli. Do za­zběha treninga je šeftrenar Claus-Dieter Wollitz na prašenja sportoweho reportera Georga Zielonkowskeho wotmołwił.

Pandemija po cyłym swěće dale knježi. Su so pola koparskeho mustwa FC Ener­gije wšitcy strowi z dowola wróćili?

C.-D. Wollitz: Mustwo je nimale kompletne. Dwaj hrajerjej staj hišće doma w karantenje, a krótko do prěnjeho treninga bu jedna wosoba z funkciskeho teama pozitiwnje na koronu testowana. Nětko sej přejemy, zo wostanjemy wšitcy „rjenje negatiwni“, a zo móžemy so woměrje na start kónc januara přihotować.

W poslednich tydźenjach lěta 2021 bě ka­der­ chětro wobmjezowany, dokelž bě tójšto koparjow zranjenych. Su Wam nětko zaso dalši k dispoziciji?

Krajny ligist bjez šansy był

štwórtk, 20. januara 2022 spisane wot:

ST Wacker 09 Choćebuz-Strobice – FC Energija Choćebuz 0:6 (0:4)

Zestawa hosći: Bethke (46. Moye) – Wagner, Hildebrandt, Kaizer (46. Böhmert), Hasse (46. Juckel), Erlbeck (46. Eisenhuth), Kujović, Geisler, Schulz, Engelhardt (46. Kremer), Zografakis

slěd wrotow: 0:1 Kaizer (19.), 2:0, 3:0, 4:0 Engelhardt (37., 39., 41.), 5:0 Wagner (77.), 6:0 Kremer (79.)

Po dospołnje jednostronskej partiji přećiwo krajnemu ligistej z Choćebuskeho měšćanskeho dźěla Strobice (Ströbitz) je FC Ener­gija na kumštnym trawniku w stadionje na juhu města 6:0 dobyła.

Hattrick (hlej slěd wrotow) poradźi so Erikej Engelhardtej z trojimi wrotami w běhu pjeć mjeńšin. Rjenje tež bě, zo móžeše šeftrenar Claus-Dieter Wollitz po dołhim času zranjenja zaso Maxa Kremera za­sadźić, kiž je w 79. min. šeste a zdobom poslednje wrota partije třělił. Probowych hrajerjow Energija w kadrje njeměješe, za to pak pjećoch mło­- dźiny A. Georg Zielonkowski

Sportowe wubědźowanja swěta 2022

srjeda, 19. januara 2022 spisane wot:

Spočatk lěta so stajnje mały wid do přichoda wudanja, štož dalše planowane sportowe zarjadowanja nastupa. Na regionalnym polu to koronapandemije dla tučas­nje móžno njeje, dokelž budźe mnoho wubědźowanjow krótkodobnje planowanych. Štož pak profesionelne wulkozarjadowanja nastupa, je chětro wěste, zo so wone w lěće 2022 wotměja. Prašenje jenož je, hač z abo bjez přihladowarjow. Tule krótki přehlad najwjetšich lětušich sportowych wurisanjow.

Wot spočatka januara wojuja w sportowej družinje kopańca najlěpše cyłki z Afriki w Kamerunje wo tak mjenowany Afrika-cup! 24 teamow je pódla, mjez nimi­ zakitowar pokala, mustwo z Alge­riskeje.

Hižo 13. januara su so w Madźarskej a Słowakskej europske mišterstwa w mje­tańcy muži zahajili. Němska wubranka je tohorunja wobdźělena, njesłuša pak runjewon k faworitam turněra, mjez druhim tež, dokelž tójšto wustojnych hrajerjow priwatnych přičin dla tónraz pódla njeje.

nawěšk

  • „Njewěsta njewjesta“ rěkaše ptačkowasny program Serbskeho ludoweho ansambla 2022. Pokazali su jón ansamblowcy a ansamblowče jeničce tři razy w Chróšćanskej "Jednoće" – korony dla. Tule namakaće hišće někotre fotowe impresije lětušeho ptačokwasneho pr