Sport (30.04.20)

štwórtk, 30. apryla 2020 spisane wot:

Turněr přestorčić abo wotprajić

Šansa, zo so 38. sokołski wolejbulowy turněr wo pokal Domowiny, kotryž bě za sobotu, 16. meje, w Radworskej „Slaviji“ planowany, tola hišće přewjedźe, chětro woteběra. Wčera su zamołwići Serbskeho Sokoła, zarjadowarja a wuhotowarja wubědźowanja, poručenje z Radworskeho gmejnskeho zarjadnistwa dóstali, zo by lěpje było turněr přestorčić abo wotprajić. Doskónčnje rozsudźić pak Sokołki a Sokoljo hišće nochcychu. Skupina Brodatych, mustwo z Drježdźan, pak so 16. meje definitiwnje njewobdźěli. Wone je dźensa wotprajiło, dokelž by na pla­nowanym terminje přemało hrajerkow a hrajerjow k dispoziciji měło.

Webinary žněja dobry wothłós

Sportnišća wšědnje krjepić

srjeda, 29. apryla 2020 spisane wot:
Sportnišća dyrbja nětko kóždy dźeń krjepić. Na trawnikomaj w Nowym Měsće to hižo­ dlěši čas činja, zo njeby tam trawa wuschnyła. Hinak je to w Němsko-Serbskim šulskim kompleksu Slepo, hdźež maja sportnišćo z kumštnym trawnikom. Kopańca pak tuchwilu na woběmaj hrajnišćomaj móžna njeje. Foto: Marcel Rjelka

Koch Energiji swěrny wostanje

srjeda, 29. apryla 2020 spisane wot:
Poprawom by zrěčenje ze škitarjom Janom­ Kochom 30. junija wuběžało, ale dołho do toho datuma móžeštaj so muž ze škitneho rjećaza a FC Energija Cho­ćebuz na podlěšenje zrěčenja dojednać. Nětko staj sej partneraj hač do lěća 2022 swěru slubiłoj. 24lětny je so w krótkim času na wodźaceho koparja Energije wuwił a je mjeztym wažny stołp tuchwilu třećeho tabulki regionalneje ligi-sewjerowuchod. Koch bě loni w lěću wot Berlinskeho AK do Choćebuza přišoł a bě wot toho časa we wšech dypkowych hrach zasadźeny. Georg Zielonkowski

Blidotenisća słušeja k sportowcam, kotřiž­ móhli so jako prěni zaso k blidam nawróćić, wšako mjez sobu docyła žadyn­ kontakt nimaja. Wěstotne wotstawki su stajnje garantowane, a při­hladowarjow tale sportowa družina tež wjele nima. Nimo toho je sezona nimale zakónčena. Tu štyri tabulki sezony 2019/2020 blidotenisoweho dorosta we wokrjesu ­Budyšin.

Wokrjesna liga – młodźina

MSV Budyšin 04 13 161:21 26:0

ST MB Njeswačidło 13 103:79 17:9

TTSV Korzym/Załom 12 90:78 14:10

MSV Budyšin 04 II 15 104:106 13:17

SZ Wětnica/Hola 12 72:96 7:17

TSV 1859 Wjernarjecy 13 16:166 1:25

wokrjesna klasa, stafla 1 – młodźina

TV GW Bühlau 14 148:48 26:2

SZ Großröhrsdorf 14 142:54 24:4

TTC Połčnica 69 14 129:67 20:8

SG Großröhrsdorf II14 92:104 14:14

SZ Łužnica 14 89:107 11:17

TuS Gersd.-Möhrsdorf 13 73:109 9:17

SG Lückersdorf-Gel.13 67:115 6:20

TuS Gersd.-Möhrsd. II 14 30:166 0:28

wokrjesna klasa, stafla 2 – młodźina

Zeleno-běli Halštrow14 171:25 28:0

TTC Wojerecy 14 138:58 21:7

Viktoria Worklecy 13 101:81 15:11

SZ Wětnica/Hola II14 107:89 15:13

MB Njeswačidło II13 91:91 12:14

Lokomotiwa Kamjenc14 79:117 11:17

TTC Wojerecy II 14 65:131 8:20

Rakečanske ST 14 18:178 0:28

wokrjesna klasa, stafla 3 – młodźina

SZ Huska 14 138:58 24:4

SZ Motor Kumwałd 14 126:70 19:9

SZ Kubšicy 14 125:71 19:9

4TTC Wjazońca14 127:69 18:10

SG Steinigtwolmsdorf 14 105:91 17:11

MSV Budyšin 04 III 15 115:95 15:15

TTSV Korzym/Załom II 14 86:110 10:18

TSV Wósp./Hrodźišćo15 45:165 4:26

ST Šěrachow 14 29:167 2:26

Kilian Hrjehor

Wot póndźele sport snano móžny

srjeda, 29. apryla 2020 spisane wot:
Sakski minister za nutřkowne a sport Roland Wöller (CDU) je wčera prěnje wuhlady na móžny sport pod hołym njebjom wot 4. meje dał. W rozhłosu MDR-Radijo Sakska Wöller rjekny, zo wo tym přemysluja, hač směli tež sportowe towarstwa wot póndźele zaso sportowanje poskićeć. Předrasćernje a sanitarne rumnosće pak so wužiwać njehodźa. „Tale powěsć nas jara zwjesela“, měnješe Detlev Günz, šef BSV AOK Lipsk w mjenje 80 000 rehasportowcow. Jurij Bjeńš

Chrystofa Gloxyna zawěsće kóždy hra­jer­ Zapadołužiskeho koparskeho zwjazka znaje. Něhdyši wrotar Sokoła Ralbicy/Hórki je tučasnje najmłódši, za to pak jedyn z najemocionalnišich trenarjow wokrjesneje wyšeje ligi. Tučasnje wšak 30lětny, w Ralbicach rodźeny a nětko w Bretnigu-Hauswaldźe bydla­cy zahority kopar, do swojeho delan­ske­ho­ Stadiona přećelstwa njesmě. Jurij Bjeńš je jemu někotre prašenja stajił.

Hižo dlěje hač měsac mustwa nětko hižo zhromadnje za kulowatej kožu honić njemóža. Kak jara tebi kopańca faluje?

Tež juniorojo jěchanskeho sporta, kotřiž su aktiwni w konjacym towarstwje Při Klóšterskej wodźe, su so na sezonu 2019/2020 połni elana přihotowali. Po tym zo mějachu zymsku přestawku, so konje a sportowcy mjeztym wjacore tydźenje zaso na wubědźowanja přihotuja.

Zo bychu sej konje kondiciju a dosć myškow za dołhu jěchansku dobu přiswojili, přewjedźechu spočatk lěta, takrjec do zazběha zeleneje sezony, někotre treningowe kursy. Wosebje młodźi jěcharjo so na tajkich kónctydźenskich zarjadowanjach wobdźělichu, zo bychu za sebje a za swojeho štyrinohača hišće někotre wažne pokiwy za nadawki na wubědźowanjach dóstali. Tak su so tež mnozy juniorojo z konjaceho sportoweho towarstwa Při Klóšterskej wodźe Pančicy-Kukow wot januara hač do měrca přeco zaso na treningowych zarjadowanjach wobdźěleli.

Worklečenjo chcedźapróstwu wo postup zapodać

póndźela, 27. apryla 2020 spisane wot:

We Worklecach kaž tež w Pančicach-Kukowje přichodne tydźe­­nje a měsacy wjac při wysokim saku wo dypki wojować njebudu. Wolejbulowa sezona je dočasnje skónčena. To konkretnje rěka: Mišterstwo je sej jenož te mustwo wudobyło, kotrež so po dypkach wjac wot prěnjeho městna storčić njeda. Postupić pak smědźa wšitke te cyłki, kotrež móhli teore­tisce hišće­ słónčne městno tabulki docpěć. Wone pak dyrbja za to wosebitu próstwu zapodać. Wšitke mustwa w pincy tabul­ki, kiž so teore­tisce wjac ze zestupneho městna wuswobodźić njemóža, tež zestupja. Wšitke tamne wostanu w stafli. Što pak to nětko za wolejbulowe mustwa z Worklec a Pančic-Kukowa rěka­, chcyše Jurij Bjeńš wědźeć.

W Budyskim wokrjesu je wobwodna klasa žonow najniša. W njej wojujetej hnydom dwě serbskej mustwje wo dypki: Viktoria Worklecy a rezerwa Hrajneho zjednoćenstwa Pančicy-Worklecy. Wobaj cyłkaj nimatej z hornim dźělom tabulki žadyn kontakt a tak za njej dočasny kónc žanu rólu njehraje. Wšako wobaj tež zestupić njemóžetej.

Wostanu w lize a chcedźa wo mišterstwo hrać

Awtor dźensa Tomaš Faska

Přeco zaso raz je rěč wo tak­ mjenowanych „žónskich kwotach“. Mjenowane rjadowanje ma zaručić, zo w gre­mijach, zarjadnišćach, stronach a podobnych kruhach tež wěsty podźěl žonow wobkedźbuja. Mjeztym zo so na zjawnych zarjadach a w orga­niza­cijach přewažnje po njej maja, wo „žónskej kwoće“ w priwatnym hospodarstwje přeco hišće kontrowersnje diskutuja, a to ma swoje přičiny.

Rozumne na kóždy pad je, zo na polu sporta lědma štó chutnje na to mysli sej žadać, zo ma so při zestawje mustwow tež na dosć žonow dźiwać. To wězo tež njeńdźe, wšako přewjeduja so we wjetšinje sportowych družin separatne wu­bědźowanja za žony a muži. W běhu minje­nych lět pak je wjele disciplinow k tomu přišło, za kotrež běchu něhdy jenož­ mužojo woprawnjeni so wubědźować, kiž pak su mjeztym hižo něšto lět tež za žony samozrozumliwe. W někotrych padach drje njeby sej to čłowjek před něšto lětdźesatkami scyła před­stajić móhł. Myslu tu jenož na kopańcu, na pjasćowanje abo na sněhakowarske skakanje.

Sport (24.04.20)

pjatk, 24. apryla 2020 spisane wot:

Wirtuelnje sportować

Serbski Sokoł, třěšny zwjazk serbskich sportowčow a sportowcow, zběra dale­ wuslědki prěnjeho tak mjenowa­neho wirtuelneho sportoweho wubědźowanja. Wšitke starobne skupiny smědźa doma kolesować, walkować, kročele ličić, běhać abo z koparskim bulom žonglě­rować a wuslědki serbskim Sokołkam a Sokołam přez digitalny formular zdźělić. Tón dóstanjeće mjez druhim tež přez naprašowanje na mejlowu adresu . Wobdźělenje ničo njepłaći, „startowy pjenjez“ pak smě so na spě­chowanske towarstwo Serbskeje wyšeje šule „Michał Hórnik“ Worklecy za so­cialny projekt přepokazać. Sportowa akcija traje hišće hač do 14. meje.

Šulski sport so dale wotměwa

Šulerki a šulerjo Wyšeje šule Slepo móža­ wot wčerawšeho swoje domjace sportowe wuslědki wučerjam digitalnje zdźělić. Zo by wšitko sprawnje wotbě­žało, dyrbi dorosćena wosoba sportowy wukon wobkrućić. Tak smědźa na přikład šulerjo 8. lětnika pak 8 kilometrow kolesować, skatować abo joggować abo 8 000 kročelow pospochi pućować.

Hłownu a wólbnu wotprajili

nawěšk

SERBSKE NOWINY podpěruja:

Novi Sad – kulturna stolica Europy

nowostki LND