Sudnicy dwělomnu rólu hrali

wutora, 15. decembera 2020
artikl hódnoćić
(0 )
Wrotar Łužiskich lodohokejowych liškow Mac Carruth (srjedźa, 78, Běła Woda) bě njedźelu w hrě přećiwo Lawam z Frankfurta najlěpši muž. Běłowodźanske liški su duel 2:1 dobyli. Foto: Thomas Heide Wrotar Łužiskich lodohokejowych liškow Mac Carruth (srjedźa, 78, Běła Woda) bě njedźelu w hrě přećiwo Lawam z Frankfurta najlěpši muž. Běłowodźanske liški su duel 2:1 dobyli. Foto: Thomas Heide

EC Bad Nauheim – Łužiske liški 4:2 (0:0, 0:2, 4:0)

Po dwutydźenskej přestawce za Łužiske lodohokejowe liški, cyły team běše koronapandemije dla w karantenje, su Běłowodźenjo minjeny pjatk wječor w Bad Nauheimje wo dalše dypki wojowali. Nažel­ pak hišće někotři hrajerjo pobrachowachu, a domjacy dźěchu tež jako fawo­rit do hry. Hnydom přewzachu ko­man­do a wuhrachu sej prěnje dobre šan­sy­. Tola wrotar Mac Carruth a pólni hra­je­rjo Liškow je w poslednim woko­miku znješkódnichu. Hakle dwě mjeń­šinje do prě­njeje sireny so tež wone ­prěni raz cyle strašnje před Bad-Naun­heim­­skimi wrotami pokazachu. Tola dobra třělwa dźěše jenož na žerdź. Bjez wrotow dźěštej mustwje do prěnjeje přestawki.

wozjewjene w: Sport
Prošu přizjewće so, chceće-li komentar podać

Serbska debata

nowostki LND