Změny pola wolejbulistkow

póndźela, 17. meje 2021
artikl hódnoćić
(0 )
Scena z hry w supercupje mjez Drježdźanskim SC a SSC Palmbergom Schwerin. Camilla Weitzel a Lena Stigrot (wotlěwa, wobě Drježdźany) blokujetej nadběh. Wobě wolejbulistce nastupitej w nowej hrajnej dobje w Italskej.  Foto: pa/Sebastian Kahnert Scena z hry w supercupje mjez Drježdźanskim SC a SSC Palmbergom Schwerin. Camilla Weitzel a Lena Stigrot (wotlěwa, wobě Drježdźany) blokujetej nadběh. Wobě wolejbulistce nastupitej w nowej hrajnej dobje w Italskej. Foto: pa/Sebastian Kahnert

Kapitanka a nadběhowarka wolejbu­loweho mustwa Drježdźanskeho SC ­Lena Stigrot a srjedźna blokowarka ­Camilla Weitzel hrajetej přichodnu ­sezonu w 1. wolejbulowej lize Italskeje. Je to najsylniša žonjaca liga Europy z mnohimi narodnymi hrajerkami swěta. Lena Stigrot bě lěta 2018 z Vilsbiburga do Drježdźan přišła, doby z DSCjom loni Němski pokal a lětsa mišterstwo.

Wurjadna nadběhowarka nastupi wot nazymy pola mustwa Roma Volley Club. Talentowana srjedźna blokowarka mě­ješe štyri wuspěšne lěta w Drježdźanach z dwójnym pokalnym dobyćom a mi­šterstwom. Młoda 20lětna wolejbulistka namaka nowe wužadanje w klubje Reale Mutua Fenera Chieri, městačku 15 kilometrow wuchodnje Turina. Libera Lenka Dürr chce z 30 lětami aktiwnu wolej­bulowu karjeru skónčić, dalša libera Morgan Hentz z USA Drježdźanski SC wopušći.

wozjewjene w: Sport
Prošu přizjewće so, chceće-li komentar podać

Serbska debata

nowostki LND