Wukaz Pólsku chětro zamyla

pjatk, 28. meje 2021
artikl hódnoćić
(0 )
Pólscy hórnicy su předwčerawšim, srjedu, we Wrocławju před tamnišim zastupnistwom Europskeje komisije přećiwo wusudej Europskeho sudnistwa nastupajo hnydomne zawrjenje Turówskeje brunicoweje jamy protestowali a wuhlo před zachodom wusypali. Pólska ma měsac chwile, wusud zwoprawdźić a jamu zawrěć.  Foto: pa/Krzysztof Kaniewski Pólscy hórnicy su předwčerawšim, srjedu, we Wrocławju před tamnišim zastupnistwom Europskeje komisije přećiwo wusudej Europskeho sudnistwa nastupajo hnydomne zawrjenje Turówskeje brunicoweje jamy protestowali a wuhlo před zachodom wusypali. Pólska ma měsac chwile, wusud zwoprawdźić a jamu zawrěć. Foto: pa/Krzysztof Kaniewski

Europske sudnistwo přećiwo Turówskej brunicowej jamje rozsudźiło

Waršawa. Nimale tři lěta trajacy konflikt mjez Čěskej a Pólskej Turówskeje brunicoweje jamy dla je so minjene dny dale přiwótřił. Mjeztym dochadźa k protes­tam pólskich hórnikow a k zaraćenjam na pólsko-čěskich dróhach.

Europske sudnistwo w Luxemburgu bě dźens tydźenja wukazało, zo ma Pólska brunicowu jamu Turów w pólsko-čěsko-němskim třikrajowym róžku hnydom zawrěć. Do toho bě Čěska wot lěta 2019 stajnje zaso na škody skedźbnjała, kotrež Turówska jama zawostaja. Tak su zwěsćili, zo dnowna woda na čěskej stronje spochi woteběra. Rozmołwy ze zastupnikami Pólskeje běchu wobćežne, dokelž woni wobmyslenja susodneho kraja ignorowachu. Tak we Waršawje twjerdźachu, zo su problemy dnowneje wody w Čěskej wuskutki změny klimy a pobrachowaceho dešća. Jako Polacy skónčnje zdźělichu, zo chcedźa brunicownju hač do lěta 2044 dale wjesć a samo hišće rozšěrić, je Čěska na Europskim sudnistwje skoržiła.

wozjewjene w: Słowjanski wukraj
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND