Zaso přećiwo Babišej na dróze

srjeda, 23. junija 2021
artikl hódnoćić
(0 )

Marek Krawc rozprawja wo aktualnje rozjimanych temach w Čěskej

Praha. Njewšědny koncert za wobydlerjow čěskeje stolicy přihotowachu hudźbnicy orchestra Narodneho dźiwa­dła ze swojimi kolegami Statneje opery. Tak mějachu přiwisnicy klasiskeje hudźby sobotu wječor składnosć, sej na při­brjoze Wołtawy blisko Narodneho dźiwadła znate hudźbne parlički lubić dać. Na čołmach sedźo bě 65 wuměłcow zahorjenemu publikumej dohlad do swo­jeho aktualneho repertoira zmóžniło. Z tajkim njewšědnym koncertom pod hołym njebjom zakónči čěske Narodne dźiwadło swoju sezonu a dźakowaše so zdobom swojim přihladowarjam za swěru w času koronapandemije. Přichodnu sobotu je druhe předstajenje na rěce předwidźane. „Hudźbnicy so hižo jara na swój přichodny program wjesela. Wšako mějachu dołhu přestawku škitnych naprawow dla. 26. junija zahrajemy wujimki z najznaćišich operow Smetany, Dvořáka, Puccinija, Bizeta a Rossinija a k tomu hišće někotre hudźbne překwapjenki“, wuwjedźe Jaroslav Kyzlink, hudźbny direktor opery Narodneho dźiwadła.

wozjewjene w: Słowjanski wukraj
Prošu přizjewće so, chceće-li komentar podać

nawěšk

nowostki LND