Marek Krawc rozprawja wo aktualnje rozjimanych temach w Čěskej
Praha. Při ludličenju lěta 2021 w Čěskej běchu zwěsćili, zo tysacy dźěći z migraciskim pozadkom do tamnišich zakładnych šulow chodźa. Wone su so w susodnym kraju narodźili, abo su ze swojimi staršimi tam zapućowali. Dokelž doma mjez swójbnymi často hinašu rěč hač čěšćinu nałožuja, ma wjetšina z nich wulke ćeže, po wuchodźenju zakładneje šule – wona traje w Čěskej wosom lět – złožić přijimanske pruwowanja za kubłanišćo wyšeho schodźenka.