Baerbock w Praze a Bratislavje

srjeda, 27. julija 2022
artikl hódnoćić
(0 )
Wonkowna ministerka Annalena Baerbock (Zeleni) je wčera zhromadnje ze swojim čěskim kolegu Janom Lipavskim wopomnišćo Lidice pola Prahi wopytała. Jako wjećbu za atentat na nawodu SS Reinharda Heydricha běchu němscy wojacy tam 10. junija 1942 cyłkownje 173 muži a hólcow zatřělili a wjes zničili. Žony a dźěći dowjezechu do koncentraciskich lěhwow.  Foto: pa/Ondrej Deml Wonkowna ministerka Annalena Baerbock (Zeleni) je wčera zhromadnje ze swojim čěskim kolegu Janom Lipavskim wopomnišćo Lidice pola Prahi wopytała. Jako wjećbu za atentat na nawodu SS Reinharda Heydricha běchu němscy wojacy tam 10. junija 1942 cyłkownje 173 muži a hólcow zatřělili a wjes zničili. Žony a dźěći dowjezechu do koncentraciskich lěhwow. Foto: pa/Ondrej Deml

Jednanja wo wuměnje tankow na dobro Ukrainy so nachileja

Praha/Bratislava (dpa/SN). Jednanja mjez Němskej a Čěskej wo wuměnje tankow k podpěrje Ukrainy steja po wuprajenjach wonkowneje ministerki Annaleny Baerbock w poslednjej fazy. Tole rjekny politikarka Zelenych wčera po zetkanju ze swojim čěskim kolegu Janom Lipavskim w Praze. Z wida wonkowneje ministerki móhło dojednanje druhim krajam z přikładom być.

Němska bě so hižo w meji z knježerstwom w Praze na to dojednała, čěskemu wójsku za dodawanje 20 tankow sowjetskeho typa T-72 Ukrainje 15 němskich tankow Leopard 2 přewostajić. Jednanja wo nadrobnosćach pak njejsu hišće wotzamknjene. Tanki chcedźa ze składow industrije wzać.

Myslička wuměny tankow bě krótko po zahajenju wójny Ruskeje přećiwo Ukrainje nastała. Zaměr bě, Ukrainu spěšnje z ćežkimi brónjemi zastarać. K tomu jednachu z Pólskej, Grjekskej, Čěskej a ze Słowjenskej a Słowakskej. Kónc tydźenja dyrbješe Baerbock při­znać, zo jednanja tak spěšnje njepo­kročuja kaž myslene.

wozjewjene w: Słowjanski wukraj
Prošu přizjewće so, chceće-li komentar podać

nawěšk

nowostki LND