Twarja elektriske transporteryw Pólskej

srjeda, 14. decembera 2022
artikl hódnoćić
(0 )

Waršawa (rhr/SN). Mercedes-Benz budźe swój prěni europski zawod jeničce za elektriske transportery w Delnjej Šleskej natwarić. To wozjewištaj wčerawšu wu­toru pólski ministerski prezident Mateusz Morawiecki a nawoda sparty za transportery koncerna Mercedes-Benz Mathias Geisen na zhromadnej nowinarskej konferency we Waršawje.

Nastać ma dospołnje nowa twornja blisko Jawora we wosebitej hospodarskej conje Wałbrzych. Inwesticija ma po wuprajenju Waldemara Budy, pólskeho ministra za wuwiće a technologiju, wobjim něhdźe 1,3 miliardow eurow a wutwori tam hač do 2 500 nowych dźěłowych městnow.

W bliskosći nowotwara dźěła hižo zawod Mercedes-Benza za štyricylindrowe motory wosobowych awtow a za baterije elektriskich wozydłow. Tutón bě Mercedes-Benz wot lěta 2017 sem natwarił. W nim tuchwilu hižo něhdźe 800 ludźi dźěła.

wozjewjene w: Słowjanski wukraj
Prošu přizjewće so, chceće-li komentar podać

Serbska debata

nowostki LND