Kónc tydźenja bjez dypkow

wutora, 13. februara 2024
artikl hódnoćić
(0 )
Jake Coughler (92, Běła Woda) je jasnje před Alexanderom Weissom (43, Krefeld). A tež čorna tačel je w prawym wokomiku před Běłowodźanom.  Foto: Thomas Heide Jake Coughler (92, Běła Woda) je jasnje před Alexanderom Weissom (43, Krefeld). A tež čorna tačel je w prawym wokomiku před Běłowodźanom. Foto: Thomas Heide

ESV Kaufbeuren –

Łužiske lodohokejowe liški 2:1

(2:0, 0:1, 0:0)

Wobě mustwje wot spočatka sem wědźeštej, wo čo w tutej partiji dźe a wotpowědnje wotběžachu prěnje akcije. Hosćo z Běłeje Wody dóstachu hižo po štyrjoch mjeńšinach prěnje chłostanje. To wužichu hosćićeljo k nawjedowanju 1:0 (5.). Třělc wrotow bě Jere Laaksonen. Po tym wuwojowaštej sej wobaj cyłkaj dalše šansy, zwrěšćištej pak stajnje na přećiwniskim wrotarju. W 14. min. zaměstni potom Lane Scheidl čornu tačel we wrotach hosći a krótko móžachu Liški tež wyskać. Sudniki wzachu pak widejowy dopokaz k pomocy a rozsudźichu po wuhódnoćenju na „žane wrota“, dokelž bu wrotar njefairnje myleny. Kaufbeuren jenož mjeńšinu pozdźišo jara skutkownje pokaza, kak so přećiwniski škit wuhraje. Tyler­ Spurgeon přińdźe k wutřělej a Johannes Krauß móže swobodnje stejo wotfalšowany puk do saka zapalić. Tak poda so Kaufbeuren z 2:0 do prěnjeje přestawki.

wozjewjene w: Sport

Galerija

dalši wobraz (1) Łužiske lodohokejowe liški wjesela so nad wrotowym wuspěchom.
Prošu přizjewće so, chceće-li komentar podać

Serbska debata

nowostki LND