Prezidentka komisije Europskeje unije kritiku prawicarjow znjesć dyrbjała

Strasbourg/Waršawa. Prěnje posedźenje noweho Europskeho parlamenta kónc minjeneho tydźenja w Strasbourgu je w Pólskej wulku kedźbnosć zbudźiło. Hłowna tema běše wustupowanje nowych pólskich zapósłancow.

W sejmje zastupjena je wot najnowšeho tež jara prawicarska pólska „Konfederacija“. Cyłkownje šěsć zapósłancow strony słuša do frakcije „Europa suwerenych narodow“. Tutu frakciju wutwori němska AfD, po tym zo běchu ju francoscy a italscy prawicarjo wuzamknyli.