Sakske kultusowe ministerstwo šulskim asistentam zrěčenja podlěši
Budyšin (SN/MiR). Zakładnej šuli „Jurij Chěžka“ w Chrósćicach a „Dr. Marja Grólmusec“ w Slepom matej ze zahajenjom šulskeho lěta 2025/2026 nowe nawodnistwo. Aleksander Kozak, nawoda zakładneje šule „Ćišinskeho“ w Pančicach-Kukowje tónle nadawk nětko tež w Chrósćicach wukonja. Slepjansku šulu nawjeduje wot 1. awgusta Nadine Stelzerowa. Wona je hižo dlěje nazhonjenja jako zastupjerka dotalneje nawodnicy šule Petry Rübesamoweje zběrała. Rjadowniska wučerka w Slepom w rjadowni 1a ze 23 šulerjemi je Ines Güttlerowa a w 1b chce Heike Eckertowa 24 wědylačnych dźěći wuwučować.
