Zastupjer wulkopósłanstwa Pólskeje ma jasne žadanja na Němsku

Berlin/Waršawa (dpa/SN). Zastupjer wulkopósłanstwa Pólskeje w Němskej je tuchwilne kontrole na mjezy tuteju statow kri­tizował. „Ličby, kotrež sym wot policije na hranicy dóstał, jasnje poka­zuja, zo dźensa płaćiwe kontrole pře­dewšěm miliony Polakow a Němcow ­po­trjechja, ­kotřiž wšědnje dźěła abo turizma dla hranicu překročeja“, zwurazni Jan Tombiński w nowinje „Nordkurier“. Po wjele lětach swobody pućowanja su kontrole wopačny signal.

Njedobre wuskutki su hoberske. „Twory njehodźa so w běhu zwučeneho časa dodawać, dokelž kontrole na mjezy traja. Tohorunja njeje dypkownosć a spušćomnosć móžna.“ Pólska inwestuje hižo lěta do škita wonkownych hranicow EU, tež zo by swobodu za wšěch w Schengenskim rumje wobchowała.