ST Darmstadt 98 – FC Energija Choćebuz 3:1 (1:1)

FC Energija Choćebuz: Lotka – Rorig, Manu, Erlein, Borgmann (55. Doumbia), Michelbrink (81. Boziaris), Bittencourt (69. Pelivan), Hannemann (69. Bogdanov), Ciğerci, Kinsombi (46. Copado), Butler

wrota: 0:1 Butler (4.), 1:1 Weißhaupt (36.), 2:1 Vukotić (77.), 3:1 Lührs (88.)

přihladowarjo: 17 333

Po hrě mjerzachu so hrajerjo FC Energije njesměrnje přesłapjeni, kak lochkomyslnje běchu wonkowne dobyće z rukow dali. Choćebuženjo prezentowachu wot zahwizdanja sylnu hru na trawniku stadiona w Darmstadće a přińdźechu hižo po štyrjoch mjeńšinach k nawjedowacym wrotam, jako Justin Butler ze sylnym sprintom škit přewiny a k 1:0 trjechi. Tři najlěpše šansy so přizamknychu, wšitke wostachu bjez wuspěcha. Hosćićeljo pak pokazachu, kak móžeš z mało wjele činić, jako po poł hodźinje fauxpas Kinga Manuwa wužichu a z remisom do kabiny dźěchu. Wotpowědnu scenu komentowaše Manu po hrě přiznawši, zo „bě to mój zmylk. Běchmy so porjadnje zestupali a chcych přećiwnika do nimohry stajić, štož je so chětro nimo kuliło.“