Dalšu partiju dobyli

póndźela, 04. oktobera 2021
artikl hódnoćić
(0 )
Škitarjo a wrotar přećiwnika z Großröhrsdorfa mějachu w Ralbicach wjacore strašne sceny wotwobarać. W prěnim połčasu so jim to hišće poradźi, w druhim pak su Sokoljo hišće trójce trjechili.  Foto: Konstantin Hrjehor Škitarjo a wrotar přećiwnika z Großröhrsdorfa mějachu w Ralbicach wjacore strašne sceny wotwobarać. W prěnim połčasu so jim to hišće poradźi, w druhim pak su Sokoljo hišće trójce trjechili. Foto: Konstantin Hrjehor

Sokoł Ralbicy/Hórki – SC Großröhrsdorf 3:0 (0:0)

Zestawa domjacych: Schöne – Šewc, Schultz, Wałda, T. Bejma (68. Nuk), Rachel (71. Matka), Rawš, B. Bejma, D. Gloxyn, Janca (60. Bejmak/85. Ch. Gloxyn), Šiman

Po swobodnym hrajnym dnju witachu Sokoljo wčera, njedźelu, robustne mustwo z Großröhrsdorfa w Ralbičanskim Stadionje přećelstwa. Dotal běchu partije stajnje jara bojowniske, tónkróć pak běchu Sokoljo jasny faworit, štož tež wot spočatka pokazachu. Hižo po někotrych sekundach móhł Paul Rachel nawjedowanje třělić, před wrotami pak jemu čuwy zaprajichu. Domjacy hru dale kontrolowachu, prawe puće k dalšim móžnosćam pak wulce njenamakachu, dokelž hosćo z wosom mužemi chětro hłuboko stejachu. Bjezmała by so jim samo po konteru nawjedowanje poradźiło, bul wrota wo centimetry misny. Dwě dalšej wulkej šansy na boku Ralbičanow tohorunja do wrotow njedźěštej. W kabinje trenar Chrystof Gloxyn swojim chowancam rjekny, zo dyrbja dale sćerpni wostać.

wozjewjene w: Sport

Galerija

dalši wobraz (1) Druhe mustwo Sokoła Ralbicy/Hórki hraješe njedźelu runočasnje přećiwo Wětnicy/Holi, kiž ma hrajne zjednoćenstwo z Lubušanskej rezerwu. Sokoljo přez cyłe 90 mjeń šin dominowachu a z 5:1 dobychu. Za delanske mustwo trjechichu dwójce Kilian Hrjehor , dwójce Fabian Korjeńk a Měrćin Kurjat. Po pjeć partijach steji rezerwa Ralbičanow z 15 dypkami we wo krjesnej klasy dale na čole tabulki. Foto: Jörg Stephan
Prošu přizjewće so, chceće-li komentar podać

nawěšk