Poražka njetrjebawša była

póndźela, 25. oktobera 2021
artikl hódnoćić
(0 )
Tež škitar Andy Schultz (srjedźa, Ralbicy) bě so wčera tam a sem do nadběhow Sokoła Ralbicy/Hórki podał. Rodźeny Spalowčan pak w ofensiwje wuspěch njeměješe.  Foto: Konstantin Hrjehor Tež škitar Andy Schultz (srjedźa, Ralbicy) bě so wčera tam a sem do nadběhow Sokoła Ralbicy/Hórki podał. Rodźeny Spalowčan pak w ofensiwje wuspěch njeměješe. Foto: Konstantin Hrjehor

Sokoł Ralbicy/Hórki – ST Horni kraj/Sprjewja 1:2 (1:1)

Zestawa domjacych: Schöne – M. Matka (89. Šiman), Šewc, Schultz, Rawš, Rachel (77. Janca), Korjeńk, Gloxyn, Bejma, Domaška, Nuk (86. Hrjehor)

Po hoberskej poražce tydźenja w Němskich Pazlicach wočakowaše trenar Chrystof Gloxyn najebać tójšto zranjenych hrajerjow reakciju swojeho mustwa. Z hosćom pak bě jedyn z faworitow na mišterstwo, team z Budestec/Korzymja. Tuž bě přećiwnik tež w tutej hrě faworit a wot wšeho spočatka bul w swojich rjadach­ dźeržeše. Ralbičenjo mějachu swoju lubu nuzu prawje do hry namakać. Po štwórć hodźinje hosćo zasłužbnje na­wjedowachu. Třělwa ze 16 metrow zadyri do wrotow Willija Schöny. By-li wón wrotam snano trochu bliže stał, by kulowatu kožu zawěsće měł. Wotnětka pak so domjacy pomału zhrabachu, dwuboje přiběrachu a woni lěpje sobu hrajachu. Hakle do połčasa běchu Sokoljo prěni raz cyle strašni před wrotami hosća a zdobom wuspěšni. Nisku přihrawku Pětra Domaški z praweho křidła přetwori Bosćij Bejma w šěsnatce hnydom k wurunanju.

wozjewjene w: Sport
Prošu přizjewće so, chceće-li komentar podać

nawěšk