Aktualna tabulka wolejbuloweje wobwodneje klasy
1. VV Žitawa 09 II 11 33 : 5 31
2. VV Žitawa 09 III 14 36 : 14 31
3. Schönbachske VV 12 31 : 14 28
4. Módro-běłe Wojerecy II 11 18 : 19 16
5. HZ Pančicy-Worklecy II 11 16 : 20 14
6. MSV Budyšin 04 III 10 13 : 18 12
7. Viktoria Worklecy 11 3 : 30 3
8. Nysa Wolejs II 12 0 : 36 0
Sobotu poda so druhe zastupnistwo wolejbulistkow Hrajneho zjednoćenstwa Pančicy-Worklecy zaso do Žitawy, hdźež nastupi přećiwo třećemu tabulki, VV Žitawje III. Hosćom bě suwereny trenar Stephan Wjeńka poboku. Jemu wutrobny dźak za pomoc a pozitiwny pohon.
Zamołwići Serbskeho Sokoła su sobotu w čěskich Janskich Láznjach zhromadnje z wólnočasnym wolejbulowym cyłkom Mustwo 1296 we wupožčowarni sněhakow Colorado ski rental skupiny za 38. sokołski wolejbulowy turněr wo pokal Domowiny wulosowali.
Třo domoródni sobudźěłaćerjo wulosowachu třinaće přizjewjenych a dwě hišće njepřizjewjenej mustwje do třoch staflow. Při tym žadyn cyłk, kaž w zašłych lětach, na pozicije A1, B1 a C1 sadźeny njebě, dokelž njeje so ani jedne z lońšich prěnich třoch městnow po zakónčenju přizjewjenskeho časa přizjewiło: ani zakitowar pokala Serbski dom Budyšin, Bratrowstwo Róžant přepozdźe, tež MSV Budyšin 04 nic. Turněr přewjedźe Serbski Sokoł 16. meje w Radworju.
Stafla A
Serbski gymnazij Budyšin-11. lětnik, Bratrowstwo Róžant, Mustwo 1296, Smashomłóćawa, Skupina Brodatych
Stafla B
Serbski gymnazij Budyšin-12. lětnik, Rapaki, Škit Budyšin, Swójba Bobkec, swobodne městno
Stafla C
Micki, Łobjobul, Serbski gymnazij-Budyšin wučerjo, swobodne městno, Mustwo z Radworja Tomaš Šołta
Ćišina a wulka prózdnota! Wšojedne, kotre zymskosportowe wubědźowanja sy sej minjeny kónc tydźenja wobhladał, hač w biatlonje w Novym Měsće na Moravě, abo w skakanju, běhanju a nordiskej kombinaciji w Oslu – wšudźe běchu stadiony prózdne. Tak dopominaše atmosfera sportowcow skerje na intensiwnu treningowu jednotku hač na wubědźowanje na swětowym niwowje. Wobě městnosći stej poprawom znatej za swoju wulkotnu kulisu. Do morawskeho biatlonoweho stadiona putnikuja wot časa Gabriele Koukaloveje kóžde lěto hač do stotysac přihladowarjow. A w Oslu skići so dobyćerjam w jich sportowych družinach wosebita składnosć, zo smědźa norwegskeho krala zeznać.
Flensburg (SN/JaW). Přihoty lětušich 4. koparskich mišterstwow europskich narodnych mjeńšin derje postupuja. To zdźěli Flensburgski běrow Federalistiskeje unije europskich narodnych mjeńšin (FUEN), zarjadowarki wurisanja. Spočatk tydźenja su dołho wočakowany hrajny plan wozjewili.
Tež serbskej wubrance muži a žonow so dale pilnje na wulki wjeršk sportoweho lěta přihotujetej. Na europeadźe, kotraž wotměje so wot 20. do 28. junija pola Korutanskich Słowjencow w Awstriskej, změje serbska wubranka muži swoju prěnju hru njedźelu, 21. junija, popołdnju w Sele (Zell), a to přećiwo Němcam z Danskeje. Južnoschleswigske mustwo je předkoło minjeneje europeady w Južnym Tirolu w skupinje D po jednym dobyću, jednej njerozsudnej a jednej přěhratej partiji na třećim městnje zakónčiło. Cyłkownje bě wone lěta 2016 na 10. městnje.
Wolejbulowe dypkowe hry
We wolejbulowej wobwodnej lize wuchodneje Sakskeje nastupi prěnje mustwo žonow Hrajneho zjednoćenstwa Pančicy-Worklecy dźensa w 19 hodź. w Budyskej hali na Schillerowych zelenišćach přećiwo MSV Budyšinej 04 II a jutře w 14 hodź. w Habrachćicach přećiwo TSV Kundraćicam. Rezerwa HZ Pančicy-Worklecy pojědźe jutře k VV Žitawje 09 III. Hru zahwizdaja w 14 hodź.
Dalše hry:
09.03. 20:00 Sokolnik Wjazońca –
Sokoł Budyšin
14.03. 14:00 Viktoria Worklecy –
MSV Budyšin II
14.03. 14:00 Viktoria Worklecy –
Zhorjelc
Blidotenisowe partije
Hrajerjo prěnjeho blidotenisoweho mustwa Viktorije Worklecy wočakuja jutře, sobotu, tabulkoweho susoda ST Horken Ketlicy, a to w 14 hodź.
Dalšej partiji:
11.03. 19:00 ST Wulka Dubrawa –
ST 1922 Radwor
16.03. 19:30 ST 1922 Radwor –
Wóspork/Hrodźišćo III
Kónctydźenska kopańca
Jutře a njedźelu, 8. nalětnika, budu zaso na krajnej a wokrjesnej runinje wjacore koparske derbyje a dalše zajimawe zetkanja.
07.03. 14:00 Jednota Kamjenc –
SG Taucha 99
07.03. 15:00 Budissa Budyšin –
VfL Pirna-Copitz 07
07.03. 15:00 Módro-běli Kulow –
Sokoł Ralbicy/Hórki
07.03. 15:00 Motor Kumwałd –
ST Marijina hwězda
07.03. 15:30 SC Großröhrsdorf –
SJ Chrósćicy
Tabulka wokrjesneje ligi, stafla 2
1. HZ Łaz/Běły Chołmc 17 48 : 18 42
2. FSV Łuty 16 54 : 31 38
3. ST Hlinowc 16 45 : 25 33
4. Traktor Malešecy 16 51 : 24 32
5. HZ Lubuš/Bluń 16 35 : 20 30
6. ST Radwor 16 27 : 26 24
7. SJ Njebjelčicy 16 31 : 21 23
8. HZ Wojerowski FC II 16 30 : 29 20
9. SJ Chrósćicy II 16 31 : 45 20
10. ST Wulka Dubrawa 16 27 : 31 19
11. Hórnikečanski jězor 15 37 : 36 18
12. SV Haselbachtal 16 32 : 38 17
13. SZ Wóslink/Skaskow 17 24 : 43 17
14. Nadrózna Hrabowka 16 31 : 50 14
15. Módro-běli Minakał 16 38 : 48 13
16. HZ Rakecy II/Šćeńca 17 15 : 71 4
HZ Rakecy II/Šćeńca
– SJ Chrósćicy II 3:0 (2:0)
Zestawa hosći: Hejduška – M. Donat, Kl. Mark, Šiman, Ki. Mark (64. Dehn), Matješk (64. Šołta), Bětnar, Wowčer, Mohaupt (58. Handrik), J. Donat, Liznar
Na prěnju hru w druhej połseriji aktualneje sezony podachu so koparjo rezerwy Chróšćanskeje SJ do Šćeńcy. Tamniše mustwo ma hrajne zjednoćenstwo z Rakecami, a tak běše to nimale mały derby. Hladajo na tabulku stejachu wšitke znamjenja na dobyće hosći, dokelž měješe do zahwizdanja 19 dypkow wjace. Hižo při sćoplenju pak woni pytnychu, zo běchu so přećiwnikej wjacori koparjo z Rakečanskeho prěnjeho mustwa z krajneje klasy přidružili.
FC Energija Choćebuz
– FSV Optik Rathenow 4:0 (2:0)
Zestawa domjacych: Stahl – Fl. Brügmann, Pelivan, Koch, Borgmann, Eisenhuth, Erlbeck, Taz (83. Hoppe), Gladrow (73. Yıldırım), Fe. Brügmann, Broschinski (83. N. Geisler)
Hrajerjo FC Energije Choćebuz su swojemu trenarjej Sebastian Abtej, kiž swjećeše tydźenja 38ćiny, w štwórtej hrě pod jeho režiju narodninski dar wobradźili a skónčnje tři dypki dobyli. To wšak njebě přećiwo limitěrowanemu mustwu z Rathenowa runjewon ćežko. Tohodla by 4:0 samo wyše wupadnyć móhło.
ST Marijina hwězda
– DJK Módro-běli Kulow 0:3 (0:0)
Zestawa domjacych: Matik – Wróbl (22. T. Jurš), Zelnak, Rab, R. Cyž, Hawš, Ch. Cyž, Kurink, Schmidt (46. Peschmann), Pakoßnick (69. D. Jurš), Pjetaš
zestawa hosći: Peschel – Hantschke, B. Korch, Popjela (62. Kocor), Bulank, A. Korch, Böttger (84. Pjaca), Nicolaides, Kubaink, Bergmann, Zablocki (78. Žur)
Atleća smědźa so hižo nětko za lětuše prěnje běhi přizjewić, kotrež słušeja na přikład zaso do Wopačanskeho cupa běharjow. 8. měrca přewjedu 26. raz tradicionalny Mužakowski parkowy běh, 15. měrca budu 30. cityjowe běhi w Drježdźanach.
05.04. Wostrowski nalětni běh
11.04. Biskopičanski běh po dołhich čarach
03.05. Kćenjowe běhi w Kamjencu
09.05. Běh na Sokolnik we Wjazońcy
10.05. Bike & run na Sokolnik SN