Jězby po swěće čaja – Spionaža, zběžki, jebanstwo 3. dźěl

pjatk, 27. apryla 2018
artikl hódnoćić
(0 )
Plantaža w Darjeelingu, hdźež plahuja sławnu družinu „šampanskeho mjez čajemi“. Mjeztym je pomjenowanje prawnisce škitane. Foto: Wikipedia/Kristian Frisk Plantaža w Darjeelingu, hdźež plahuja sławnu družinu „šampanskeho mjez čajemi“. Mjeztym je pomjenowanje prawnisce škitane. Foto: Wikipedia/Kristian Frisk

Móža čajowe łopjena lětać? So wě, znajmjeńša we wonajkej haperleji. A tohodla je jutrownik za lubowarjow čaja wosebity měsac. To so mjenujcy prěnje čajowe žně lěta, bjez dołheho komdźenja a składowanja, z lětadłom město z łódźu sem dowožuja, kotrež so jenož skrótka a ani dospołnje na čorny čaj předźěłaja. Wone k nam potajkim přeleća, čehoždla so w čajowych wobchodach jako tak mjenowany Flugtee poskićuja. A tónle wosebje aromatiski, husto na kćějate kwětki a čerstwu trawu dopominacy ‚lětacy‘ čaj pochadźa zwjetša z indiskeje kónčiny Darjeeling, hdźež prěnje čajowe łopjena w nalětniku a jutrowniku šćipaja – tak mjenowany first flush. Jako second flush pomjenuja potom druhe žně w smažniku a pražniku. Třećim rěkaja porno tomu autumnals, potajkim nazymske, wšako šćipaja łopjena po dešćowym času we winowcu a nazymniku.

wozjewjene w: Předźenak
Prošu přizjewće so, chceće-li komentar podać

Serbska debata

nowostki LND