Na dnju maćerjeju swójba zapleńči

pjatk, 11. meje 2018
artikl hódnoćić
(0 )
Do wulkeje Bobkec swójby we Worklecach słušeja nimo maćerje Antje a nana Rolfa dźěći Jakub, Jurij, Józef, Marija, Jan a Beno (wotlěwa).  Foto: SN/Maćij Bulank Do wulkeje Bobkec swójby we Worklecach słušeja nimo maćerje Antje a nana Rolfa dźěći Jakub, Jurij, Józef, Marija, Jan a Beno (wotlěwa). Foto: SN/Maćij Bulank

Kak mać wulkeje serbskeje swójby wužadanja wšědneho dnja zmištruje

Druha njedźela róžownika je zdawna rezerwowana za dźeń maćerje. Tón dźeń steja žony w srjedźišću, kotrež zamóža na najwšelakoriše wašnje dźěći, swójbu, wšědne dźěło a často tež hišće towaršnostny angažement zjednoćić. Jedna, kotraž to na wobdźiwajomne wašnje zmištruje, je Antje Bobcyna we Worklecach.

Štóž dokładnje njewě, hdźe we Worklecach Bobkecy bydla, statok w Nuliku hnydom při Don Boskowym domje poměrnje lochko namaka. Tam dźě so z dźěćimi mjerwi a tuž je tež dru­hdy trochu wótřišo. „Naš nan doma njeje, ale naša mać“, mi jedyn z hólcow přiwoła. A hižo stupi Antje Bobcyna z chě­žinych durjow. Runje hišće je dźěćacu drastu rjadowała a pola młódšich za domjacymi nadawkami hladała. Nětko prosy mje do běrowa tepjenskeje firmy swojeho mandźelskeho Rolfa, hdźež wšak ma tež wona swoje pisanske blido. „Tu změjemoj najlěpši měr“, so wona po­směwknje. Wokomiki měra su pola Bobkec popołdnju rědke. Nic jenož jich dźěći so na dworje zabawjeja, ale tež hišće hóstny šuler z Bretoniskeje.

wozjewjene w: Předźenak

Galerija

dalši wobraz (1) Nimo mnohich swójbnych a dalšich nadawkow stara so Antje Bobcyna wo kwětki, drastu a ministrantski plan we wjesnej kapałce. Foto: SN/Maćij Bulank
Prošu přizjewće so, chceće-li komentar podać

Serbska debata

nowostki LND