Schrift vergrößern
To je awtogramowa karta z podpismom Juty Cofec. Dokładne ličby njedadźa so wjace wuslědźić, směmy pak z toho wuchadźeć, zo su sta eksemplarow mjez wobdźiwarjemi a fanami harfenistki kursěrowali. Reprodukcije: Christiana Schilde-Schramm
„Jako sym 14. januara 1928 w Budyšinje na swět přišła, běše jusk nad mojim zjewjenjom wšo druhe hač wichorojty. Hižo dołho pěstowana nadźija w Cofec domje za hólcom so njespjelni. Zaso běše to jenož holca. Kaž so powěda, běch jara małuška a wšitcy sej myslachu, zo njepřežiwju. Baba, kotraž k nam wšědnje do domu chodźeše, so přeco prašeše ‚Je wona hišće žiwa?‘ – Haj, sym přežiwiła!“
Juta Cofec w Slepjanskej drasće z dudami – nade wšo rědka to fotografija
Wujimk ze strony hóstneje knihi Jurja Winarja, w kotrejž steji mjez druhim pod nadpismom tutoho nastawka jewjacy so citat
