Stawizny a přitomnosć we wobrazach

pjatk, 31. awgusta 2018
artikl hódnoćić
(0 )
Čłonojo Njeswačanskeho towarstwa Přećeljo kultury a domizny zwobraznichu powědku wo dwanaće mnichach, kotřiž mějachu něhdy tajnje złotu korejtu twarić. Dokelž pak to přeradźichu, buchu woni w dwanatej pincy hrodu zamurjowani. Čłonojo Njeswačanskeho towarstwa Přećeljo kultury a domizny zwobraznichu powědku wo dwanaće mnichach, kotřiž mějachu něhdy tajnje złotu korejtu twarić. Dokelž pak to přeradźichu, buchu woni w dwanatej pincy hrodu zamurjowani.

Swjedźenski ćah k 750. róčnicy prěnjeho pisomneho naspomnjenja Njeswačidła so wulce poradźił

Štož je Njeswačidło minjenu njedźelu dožiwiło, wo tym budu tam a we woko­linje hišće dołho rěčeć. Swjedźenski ćah bě zawěrno wurjadny wjeršk swjedźenja k 750. róčnicy prěnjeho pisomneho naspomnjenja wsy. Stawizny a přitomnosć we wjace hač 30 wobrazach na tak originelne wašnje na nohi stajić je sej wot wo­by­dlerjow, towarstwow, gmejny a mnohich dalšich wobdźělenych wjele dźěła a prócy žadało. To pak je so skónčnje zadaniło, štož bě z ertow wjele stow spokojnych wopytowarjow wusłyšeć.

Nimo jěcharjow na konjach w histo­riskich kostimach, zwobraznjacych wosobiny kaž Awgusta Sylneho, hrabju Brühla,­ hrabju Sulkowskeho a dalšich, bě­chu předewšěm te wobrazy sobu naj­origi­nelniše, kotrež so ze serbskimi sta­wi­znami a tradicijemi zaběrachu.

wozjewjene w: Předźenak

Galerija

dalši wobraz (1) Koslowske młode holcy w swojej swjedźenskej drasće zapleńčichu přihladowarjow podłu puća z čerstwymi pomazkami, štož so k wobrazej wo historiskim ratarstwje w Serbach derje hodźeše.
dalši wobraz (2) Dźěći w narodnej drasće swědčachu wo tym, zo w Njeswačanskej pěstowarni „Maks a Moric“ tež serbske tradicije a nałožki pěstuja. SN/Maćij Bulank
dalši wobraz (3) W swjedźenskim ćahu bě tohorunja kanalotwarc Wirth widźeć, kiž chcyše něhdy Łužicu ze swětowymi morjemi zwjazać.
Prošu přizjewće so, chceće-li komentar podać

Serbska debata

nowostki LND