Hudźba jeho stajnje wobdawa

pjatk, 16. nowembera 2018
artikl hódnoćić
(0 )
Constantin Nürnberger z njepolěrowanej a polěrowanej tubu. Wuswětlenje njeposkića instrumentytwarc jenož w swojej Nowoporšičanskej dźěłarni. Jako mobilny posłužbnik wopyta zajimcow tež doma a wobdźěła kóždužkuli formu kmaneho materiala. Constantin Nürnberger z njepolěrowanej a polěrowanej tubu. Wuswětlenje njeposkića instrumentytwarc jenož w swojej Nowoporšičanskej dźěłarni. Jako mobilny posłužbnik wopyta zajimcow tež doma a wobdźěła kóždužkuli formu kmaneho materiala.

Blachowe instrumenty, death metal a słowjanske zynki z jedneje ruki

„Blachowa kista“ rěka na trochu schowanej tafličce na kromje Nowych Poršic. Tam ma instrumentytwarc Constantin Nürnberger swoju dźěłarnju. W minjenych třoch lětach je sej ju krok po kroku w bywšej bróžni dźěda a wowki wutwarił. Byrnjež hišće wšitko hotowe njebyło, hižo pilnje najwšelakoriše dźěła wukonja, nadawkowa knižka je derje pjelnjena.

„W lětnich prózdninach mějach 60 pozawnow tu. To so najprjedy raz dźiwaš, kelko ludźi w našej wokolinje na tajkim instrumenće hraje. Ale mamy we Łužicy tójšto pozawnowych chórow – štož mje wězo wjeseli –, a kóždy instrument dyrbi so prawidłownje hladać, ewentualnje wuporjedźić a hłosować. A jedna-li so wo blachowy dujerski, wězo tež polěrować. Sym wuknył, zo směš hakle potom, móžeš-li so w blachu špihelować na wašnje, zo móhł so truhać, woprawdźe wo polěrowanju rěčeć. Wšo druhe je kepsanka“, młody rjemjeslnik powěda.

wozjewjene w: Předźenak

Galerija

dalši wobraz (1) Trompeta bě prěni instrument, kotryž bě Constantin Nürnberger wutworił. Na wobrazu pruwuje wón model profesionelneho klienta.
dalši wobraz (2) Instrumentytwarc dyrbi ćělnje naročne dźěła runje tak wobknježić kaž skerje mozy a koncentraciju wužadacu drobnomechaniku.SN/Maćij Bulank
dalši wobraz (3) Kule słuža k tomu, wužłobjenja a wuhorbjenja wotstronić. Wulke eksemplary nałožuje z pomocu elektromagneta.
Prošu přizjewće so, chceće-li komentar podać

Serbska debata

nowostki LND