Dopomnjenki, hordosć a wulki respekt

pjatk, 21. decembera 2018
artikl hódnoćić
(0 )
Serbski kwasny ćah z narodnej drastu Wojerowskeje kónčiny je wjeršk wustajeńcy noweje drastoweje komory, kotruž je tamniše  regionalne kulturne towarstwo wotewrěło.Silke Richter Serbski kwasny ćah z narodnej drastu Wojerowskeje kónčiny je wjeršk wustajeńcy noweje drastoweje komory, kotruž je tamniše regionalne kulturne towarstwo wotewrěło.Silke Richter

Wot spočatka nowembra maja we Wojerecach­ drastowu komoru, hdźež móža sej ludźo hódnotnu drastu wobhladać a móža sej ju tež­ za wšelake přiležnosće wupožčić­.

Skedźbliwje hładkuje Renate Scharf barbojte wołmjane rubiško, zo by tež poslednju fałdu wotstroniła. W zadźě­łanym pisanym mustru z kwětkami je filigrane­ ručne dźěło spóznajomne. Drastowy dźěl hodźi so po barbje jara derje k serbskej narodnej drasće w zymje, kotruž figurina prezentuje. Za zymne dny plećene zelene, róžowe, čerwjene abo běłe rukawcy so jara derje k tomu hodźa.

Štóž sej wustajenu drastu dokładnišo wobhlada, tón spóznaje, zo běchu hižo přeco tak mjenowany cyblowy look wužiwali. Wjacore woršty drasty w zymskim času wosebje derje wohrěwaja.

wozjewjene w: Předźenak

Galerija

dalši wobraz (1) Sobudźěłaćerka drastoweje komory a Wjacsławkec drastoweho domu Renate Scharf prezentuje zymske rubiško w ćmowej zelenej barbje. Runje tak pak hodźa so pisane róžojte dźěle wužiwać.
dalši wobraz (2) Drastowe dźěle z módroćišća su tež dźensa hišće woblubowane a njehodźa so jeno za narodnu drastu.
Prošu přizjewće so, chceće-li komentar podać

Serbska debata

nowostki LND