Wuspěšna premjera koparskeho turněra

wutora, 26. měrca 2019
artikl hódnoćić
(0 )
Hrajna scena mjez druhim cyłkom Worklečanskich koparskich přećelow a młodźinu C z Njeswačidła: André Šram (25) a Jakub Clausen (štwórty wotlěwa) woju jetaj wo zhubjeny bul.  Foto: Dawid Matik Hrajna scena mjez druhim cyłkom Worklečanskich koparskich přećelow a młodźinu C z Njeswačidła: André Šram (25) a Jakub Clausen (štwórty wotlěwa) woju jetaj wo zhubjeny bul. Foto: Dawid Matik

Dwójce hižo přewjedźechu wólnočasny turněr Worklečanskich koparskich pře­ćelow na trawniku w Jaseńcy, w hali pak hi­šće nic. Do premjery we Worklečanskej ćěłozwučowarni pak mějachu wól­no­­časni wjesni koparjo najprjedy raz dwaj problemaj rozrisać, dokelž njemě­jachu přistup do towarstwoweje rumnosće a tak k posłužowanju wuslědkoweje tafle. Zarjadowarjo pak to najlěpše z toho sčinichu.

Wosom cyłkow je so nětko w modusu kóždy přećiwo kóždemu wubědźowało; mjez druhim tež młodźina C Módro-běłych Njeswačidło, kotraž pak so dorosćenych scyła njeboješe. Z wuběrnym wustupowanjom postara so wona wo wulke woči mjez přihladowarjemi.

Po 28 zetkanjach a něhdźe pjeć ho­dźinach hrajneho časa móžeše so team No Name z Pančic-Kukowa, kotryž bě hižo­ dwójce w Jaseńcy dobył, nad pokalom wjeselić. Druhe městno wobsadźi VSG Njeswačidło před prěnim mustwom Worklečanskich koparskich přećelow.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Serbska lajska dźiwadłowa skupina Šunow-Konjecy je swoju nowu komediju "Ludźo njedźiwaće so" 9. nowembra prapremjernje w Šunowskej Fabrikskej hospodźe předstajiła. tule namakaće někotre impresije z inscenacije. 

Tohorunja tón kónc tydźenja su w Ketl

nowostki LND