Gymnaziasća z wulkim wjeselom w Janskich Láznjach sněhakowali

srjeda, 27. měrca 2019
artikl hódnoćić
(0 )
Šulerjo 8. lětnika Serbskeho gymnazija Budyšin pobychu lětsa 24. raz w sněhakowarskim lěhwje w čěskich Kyrkonošach. W alpinskim sněhakowanju wukmanichu so woni pod nawodom wučerjow SGB, serbskich studentow a čěskeho instruktora Lukáša Vavrdy. Foto: Měrko Korjeńk Šulerjo 8. lětnika Serbskeho gymnazija Budyšin pobychu lětsa 24. raz w sněhakowarskim lěhwje w čěskich Kyrkonošach. W alpinskim sněhakowanju wukmanichu so woni pod nawodom wučerjow SGB, serbskich studentow a čěskeho instruktora Lukáša Vavrdy. Foto: Měrko Korjeńk

22. raz pobychu šulerjo Serbskeho gymnazija Budyšin (SGB) w čěskich Janskich Láznjach, zo bychu so tam w alpinskim sněhakowanju wukmanili.

W stawiznach SGB započa so sněha­kowarske wukubłanje w februaru 1995 w Malej Upje w čěskich Kyrkonošach, hdźež přebywachu šulerjo a wučerjo dwójce. 1998 započa so alpinske wukubłanje w Janskich Láznjach blisko Čor­neje hory. Lětsa w měrcu dojědźechu sej 49 šulerjow, štyrjo wučerjo a třo stu­denća (něhdyši šulerjo SGB) do znateho kwartěra pensije „Protěž“. Wjedro bě měnjate, na pistach pak knježachu idealne wuměnjenja.

Tři skupiny 22 započatkarjow wu­wučowachu wučerka za čěšćinu Jana Štillerová, student Matej Wjeńka a čěski instruk­tor Lukáš Vavrda. Marie-Luise Matješkec a Maksimilian Zahrodnik běštaj dalšej pomocnikaj. Wo tamne tři skupiny postupnikow a technisce hižo lěpšich šule­rjow starachu so sportowi wučerjo Tereza Wićazowa, Gabriela Jendrewscyna a hłowny organizator sněhakowarskeho wukubłanja Měrko Korjeńk.

Po stajnje pjećhodźinskim zwučowanju přizamkny so wječor wuhódnoćenje z pomocu wideja.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Serbska lajska dźiwadłowa skupina Šunow-Konjecy je swoju nowu komediju "Ludźo njedźiwaće so" 9. nowembra prapremjernje w Šunowskej Fabrikskej hospodźe předstajiła. tule namakaće někotre impresije z inscenacije. 

Tohorunja tón kónc tydźenja su w Ketl

nowostki LND