Njetrjebamy so starosćić

pjatk, 24. meje 2019
artikl hódnoćić
(0 )
W Němcach je mejemjetanje kóžde lěto jedyn z wjerškow wjesneho žiwjenja. Tam zwjazuja nałožk hnydom z wjesnym swjedźenjom. Tak tež lětsa, byrnjež twarskich dźěłow hłowna dróha po wsy zaraćena była. Najspěšniši při wjeršku meje bě Pawl Grofa. Wón wuzwoli sej za swoju mejsku kralownu Juliju Petschke.  Foto: Gernot Menzel W Němcach je mejemjetanje kóžde lěto jedyn z wjerškow wjesneho žiwjenja. Tam zwjazuja nałožk hnydom z wjesnym swjedźenjom. Tak tež lětsa, byrnjež twarskich dźěłow hłowna dróha po wsy zaraćena była. Najspěšniši při wjeršku meje bě Pawl Grofa. Wón wuzwoli sej za swoju mejsku kralownu Juliju Petschke. Foto: Gernot Menzel

Mejemjetanje dale jara woblubowane

W Pančicach-Kukowje bě lětsa znowa wjele porow na mejemjetanju. Mejski kral mjez młodostnymi bě Jonas Pjetaš, jeho kralowna Jadwiga Šnajdrec.Na mejemjetanju we Worklecach bě Maksimilian Gruber najspěšniši běhar. Za mejsku kralownu wuzwoli sej wón Luisu Budarjec z Wudworja.W Smječkecach wubědźi mejsku krónu Johannes Jurš, kiž wuzwoli sej LuisuMarie Brankačkec za kralownu.

Starodawny nałožk mejemjetanja bě, je a wostanje zawěsće nadal kruty wobstatk na serbskich a dwurěčnych wsach. Jako so lětsa rozhladowach, hdźe wšudźe a kak nałožk pěstuja, sej myslu: Njetrjebamy so starosćić, zo sej nałožk wusnje. Wšako mějach zaćišć, zo jón na dale a wjac wsach wot Blunja přez Čorny Chołmc a Němcy hač do Konjec-Šunowa, Ralbic, Radworja a Barta haja.

wozjewjene w: Předźenak

Galerija

dalši wobraz (1) Prěni króć běchu w Serbskich Pazlicach meju wosrjedź wsy a nic kaž hewak na sportnišću stajili a mjetali. Tam su tež reje k mjemjetanju předstajili. Mejski kralowski por běštaj Marvin Reinecke a Jana Ričlec. Foto: Celine Reineltec
dalši wobraz (2) 17 porow młodostnych – holcy w narodnej drasće – rejowaše w Chrósćicach wo koło mejskeho štoma. Napřemoběh wo wjeršk meje dobył je a tak bě mejski kral Matej Cyž. Wón wuzwoli sej Sofiju Hejduškec za kralownu. Feliks Haza (3)
dalši wobraz (3) Christoph Unger a Elisabeth Rischer staj lětuši mejskokralowski por w Čornym Chołmcu. Hačrunjež běše chětro dešćikojte wjedro, su so holcy narodnu drastu Wojerowskich Serbowkow zhotowali. Foto: Claudia Jursch
Prošu přizjewće so, chceće-li komentar podać

Serbska debata

nowostki LND