Wonka přěhrali, doma dobyli

srjeda, 19. junija 2019
artikl hódnoćić
(0 )
Handrij Korjeńk, nadběhowar prěnjeho koparskeho mustwa Njebjelčanskeje SJ, je 2:0 spřihotował, kotrež třěli Robert Lejnart.  Foto: Jörg Stephan Handrij Korjeńk, nadběhowar prěnjeho koparskeho mustwa Njebjelčanskeje SJ, je 2:0 spřihotował, kotrež třěli Robert Lejnart. Foto: Jörg Stephan

SC Mały Wosyk – SJ Njebjelčicy 3:2 (1:1)

Zestawa hosći: Hahn – Hanuza, Kral, Hölzel, Šołta, Paulick, Čornak (75. Hrjehor), Gödig (50. Schulze), Plaettner, Korjeńk, Lejnart

Sezona bě a je hižo skepsana a potom tež hišće poražka pola poslednjeho tabulki. Kaž hižo w prěnjej połseriji přećiwo druhemu mustwu z Rakec njemóžachu Njebjelčenjo přećiwo pozdatnje najsłabšemu ligi dypkować. To je prosće paradoksne. Hru sami činić bě hižo přeco wulki zadźěwk za Njebjelčanow, při­wšěm pak njesmědźa tajke hry přěhrać, chceš-li k cyłkam w hornjej třećinje tabulki słušeć.

Duel na špatnym sportnišću pak so za ho­sći přiwšěm dosć derje započa. Po dźesać mjeńšinach flankowaše Robert Lejnart bul na Williama Plaettnera, kiž jón z hrudźu přiwza a ze zdalenosće šěsć metrow k 0:1 do wrotow prasny. Nětko nasta nadběh po nadběhu přećiwo hłuboko stejacym hosćićelam, wšitke wotzamknjenja pak wostachu bjez wuspěcha. Najwjace bulowych kontaktow měješe z něhdźe 30 wrotar domjacych. Wurunał je přećiwnik z ničeho. Kevin Lugge, najstrašniši muž na stronje Małowosyčanow, třěli trochu schowany bul z 20 metrow na wrota a wuruna.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND